Olimpiada. SHaxmatchilarimiz Belarusni mag'lub etib, 3-o'ringa ko'tarilishdi

Mazkur Olimpiadada O'zbekiston terma jamoasi sharafini 5 nafar shaxmatchimiz - Osiyo chempioni Nodirbek Yoqubboev, SHamsiddin Vohidov, Osiyo chempionatining bronza medali sovrindori Saidakbar Saydaliev, Sitora Saparova hamda Daler Vohidov himoya qilyapti.

O'zbekiston o'smirlar terma jamoasi Janubiy Afrika Respublikasi hamda Argentina terma jamoalarini mos ravishda 4:0, 2,5:1,5 hisobida mag'lub etib, eronlik shaxmatchilar bilan durang (2:2) o'ynagandi.

Kecha hamyurtlarimiz Belarus terma jamoasi shaxmatchilaridan 3:1 hisobida ustun kelib, turnir jadvalida 3-o'ringa ko'tarilib olishdi. Nodirbek Yoqubboev va Daler Vohidov raqiblaridan ustun kelishdi. SHamsiddin Vohidov va Saidakbar Saydaliev esa durang qayd etishdi.

Bugun shaxmatchilarimiz uchinchi raqam ostida saralangan Rossiya terma jamoasiga qarshi bahs olib borishadi. To'rtinchi turdan so'ng O'zbekiston terma jamoasi uchinchi o'rinni egallab turibdi. Ikkinchi o'rindagi Eronda ham biz kabi 11,5 ochko bor. To'rtta uchrashuvda yuz foizlik natija ko'rsatgan Rossiya terma jamoasi peshqadamlik qilmoqda.

O'zbekiston - Belarus 3:1

IM Yoqubboev Nodirbek (2448) - FM Zarubickiy Vyacheslav (2330) 1-0

WIM Badelka Olga (2388) - IM Vohidov SHamsiddin (2412) ½ - ½

Saydaliev Saidakbar ((2362) - Ivannikau Maksim (2221) ½ - ½

Kotau Arseniy (2145) - Vohidov Daler (2250) 0-1