Olimpiada. SHaxmatchilarimiz kuchli hisoblangan Eron bilan durang o'ynashdi

Mazkur Olimpiadada O'zbekiston terma jamoasi sharafini 5 nafar shaxmatchimiz - Osiyo chempioni Nodirbek Yoqubboev, SHamsiddin Vohidov, Osiyo chempionatining bronza medali sovrindori Saidakbar Saydaliev, Sitora Saparova hamda Daler Vohidov himoya qilyapti.

O'zbekiston o'smirlar terma jamoasi dastlabki ikki uchrashuvda Janubiy Afrika Respublikasi hamda Argentina terma jamoalarini mos ravishda 4:0, 2,5:1,5 hisoblarida mag'lub etishgandi. Kecha oqshom esa eronlik shaxmatchilar bilan 2:2 hisobidagi durang natijaga imzo chekishdi.  

Taqqoslash uchun, Eron reytingda ikkinchi, bizning terma jamoamiz esa beshinchi o'rinni egallab turibdi. Nodirbek Yoqubboev va Daler Vohidov kuchli raqiblaridan ustun kelishdi. SHamsiddin Vohidov va Saidakbar Saydaliev esa mag'lubiyat alamini totib ko'rishdi.

Bugun shaxmatchilarimiz Belarus terma jamoasiga qarshi bahs olib borishadi. Uchinchi turdan so'ng O'zbekiston va Eron terma jamoalari uchinchi va to'rtinchi o'rinni bo'lishib turishibdi. Peshqadam Rossiya va Hindiston terma jamoalari esa uchchala bahsda ham g'alaba nashidasini surishgan. 

Iran - Uzbekistan 2 : 2

IM Tabatabaei, M.Amin (2573) - IM Yoqubboev Nodirbek (2448)0 - 1

IM Firouzja, Alireza (2526) - IM Vohidov SHamsiddin  (2412) 1 - 0

IM Gholami, Aryan (2479) - Saydaliev Saidakbar (2362) 1 - 0

Gholami Orimi, Mahdi (2298) - Vohidov Daler (2250) 0 - 1