Olimpiada yo'llanmasini qo'lga kiritgan engil atletikachilarimiz tantanali kutib olindi

Etiborlisi, ushbu nufuzli musobaqada uch nafar sportchimiz – Regina Adashboeva (bosqon uloqtirish), Roksana Xudoyarova (uchxatlab sakrash) va Umid Hasanov (bosqon uloqtirish) belgilangan meyorni bajarib, oktyabr oyida Buenos-Ayresda bo'lib o'tadigan III yozgi o'smirlar Olimpiya o'yinlarida ishtirok etish huquqini qo'lga kiritishdi.

Bugun terma jamoamiz azolari musobaqadagi ishtiroklarini yakunlab, yurtimizga qaytib kelishdi. Ularni Islom Karimov nomidagi Toshkent xalqaro aeroportida Milliy olimpiya qo'mitasi va engil atletika federaciyasi mutasaddilari, murabbiylar, sportchilarning yaqinlari va ommaviy axborot vositalari xodimlari kutib olishdi.

Qayd etish lozimki, engil atletikachilarimizning licenziyalari orqali O'zbekiston sport delegaciyasining Argentina Olimpiadasi uchun yo'llanmalari soni 29taga etdi. Ushbu ko'rsatkich mamlakatimiz uchun o'smirlar Olimpiya o'yinlaridagi rekord hisoblanadi. Bungacha O'zbekiston delegaciyasi o'smirlar Olimpiadasida ko'pi bilan 28 nafar sportchi bilan ishtirok etgan. Hali oldinda suzish, dzyudo va tennis bo'yicha licenziyalar qo'lga kiritilishi ehtimoli mavjudligini hisobga oladigan bo'lsak, ushbu natija yanada yaxshilanishi aniq.