19 iyu 12:07
Yangiliklar

Kamondan otish, Parij-2024

Olimpiadada ilk bor ishtirok etadigan kamonchilarimiz Parijda mashg'ulot o'tkazishyapti + FOTO

Kamondan otish bo'yicha O'zbekiston terma jamoasi azolari ayni kunlarda Franciya poytaxtida bo'lajak Olimpiya o'yinlariga hozirlik ko'rishmoqda.

Mazkur yig'inda Parij-2024 yozgi Olimpiya o'yinlarida ishtirok etadigan ko'plab terma jamoalar ham qatnashyapti.

Merganlarimiz murabbiylar shtabi bilan ishlab chiqilgan dastur asosida mashg'ulot olib borishmoqda. Yig'in 22 iyulga qadar davom etadi. 23 iyul sanasida atletlarimiz Olimpiya shaharchasiga joylashishadi. Olimpiada dasturiga ko'ra, 25 iyul kuni sportchilarimiz dastlabki saralash bosqichida o'z ishtiroklarini boshlashadi.

Eslatib o'tamiz, Ziyodaxon Abdusattorova hamda Amirxon Sodiqov yurtimiz sporti tarixida ilk bor mazkur yo'nalishda Olimpiada yo'llanmalarini qo'lga kiritishgan.