Olimpiadalarda o'zbek sportchilariga mag'lub bo'lgan mashhurlar

Bu gal etiboringizni yana dzyudo bahslariga qaratamiz.

London-2012 yozgi Olimpiya o'yinlari. Dzyudo bo'yicha -60 kg vazn toifasi chorak final juftliklarining birida Rishod Sobirov hamda braziliyalik Felipe Kitadai to'qnash kelishdi. SHubhasiz, o'sha kuni raqibidan kuchliroq bo'lgan Sobirov ippon bahosi bilan yarim finalga yo'l oldi. Biroq hamyurtimiz final ostonasida imkoniyatni boy berib, yakunda bronza medaliga ega chiqdi. Qizig'i, dzyudo qoidalariga ko'ra, chorak finalda engilgan sportchi ham shohsupaga ko'tarilish imkoniyatini saqlab qoladi. Bundan unumli foydalangan Kitadaiga ikkinchi bronza medali nasib etdi.

Rio-2016 yozgi Olimpiya o'yinlari. Jahon chempionatining kumush medali sohibi Kitadai o'z yurtida o'tgan Olimpiya o'yinlarida medallarga asosiy davogarlardan biri sifatida etirof etildi. Biroq bu gal ham chorak finalda imkoniyatni boy berdi. Bronza medali uchun o'tish bosqichida esa 22 yoshli Diyorbek O'rozboev uning yo'liga to'g'anoq bo'ldi. Muxlislari ko'z o'ngida mag'lub bo'lgan Felipe ettinchi o'rin bilan cheklandi. Diyorbek esa yakunda shohsupaning uchinchi pog'onasidan joy oldi. Bu braziliyalik dzyudochining Olimpiadalardagi so'nggi ishtiroki bo'lib qoldi.

SHu tariqa, Rishod Sobirov Braziliya dzyudosining taniqli nomlaridan birini London-2012 yozgi Olimpiya o'yinlarida oltin medaldan mosuvo qilgan bo'lsa, Diyorbek O'rozboev Rioda butunlay medalsiz qoldirdi.