Olimpiya o'yinlariga yo'llanma olgan sportchi qo'shimcha 50 million so'm bilan mukofotlandi

Samarqand shahridagi “Yoshlar markazi”da tashkil etilgan tadbirda viloyat hokimi Erkinjon Turdimov ishtirok etdi. Mazkur tadbirda Tokio-2020 yozgi Olimpiya o'yinlari licenzianti 50 million so'mlik pul mukofoti bilan taqdirlandi.

SHuningdek, tadbirda yaqinda Polshaning Kelce shahrida o'tkazilgan boks bo'yicha yoshlar o'rtasidagi Jahon chempionatida munosib ishtirok etgan sportchi qizlarimiz, oltin medal sohibasi Nigina O'ktamova hamda bronza medali sovrindori Sitora Turdibekova, qolaversa sportchilarning murabbiylari ham mukofotlanishdi.

Biroz avval Niginaga ikki xonali uyning boshlang'ich to'lovi to'lab berilgani haqida xabar bergandik. Sitora Turdibekova 25 million so'm pul mukofoti hamda qimmatbaho sovg'a bilan rag'batlantirildi.

Samarqand viloyati hokimi tomonidan mukofotlangan sportchi va trenerlar ro'yxati:

Abdullaev Mo'minjon Rustamovich – yunon-rum kurashi bo'yicha O'zbekiston terma jamoasi azosi,

Uning treneri – Mamatqulov SHarof Abduvaxopovich,

O'ktamova Nigina Jasur qizi – boks bo'yicha O'zbekiston yoshlar terma jamoasi azosi,

Uning treneri – Xudoyqulov Azim Hamidovich,

Turdibekova Sitora SHavkat qizi – boks bo'yicha O'zbekiston yoshlar terma jamoasi azosi,

Uning treneri – Narziqulov SHarif Tohirovich.