Oliy ligada qolish uchun kurashayotgan “Obod” o'z uyida mag'lub bo'ldi

Unda kuchlilar safida qolish uchun harakat qilayotgan Toshkentning “Obod” jamoasi o'z maydonida bu vazifani deyarli uddalab bo'lgan Muborakning “Mashal” klubini qabul qildi.

O'yinning 18-daqiqasida SHohruz Norxonovning jarima maydoni ichidan darvozaga yo'llagan zarbasidan so'ng Javohir Ilyosov to'pni qaytardi. Bahsning 31-daqiqasida Temur Hakimovning zarbasi himoyachilarga tegib, maydonni tark etdi.

Uchrashuvning 41-daqiqasida Kenja To'raev jarima maydoniga yaqinlashib zarba berdi va gol urdi - 0:1. Birinchi bo'lim tugadi. Ikkinchi bo'limning 65-daqiqasida Abror Husinov 2 metr masofadan darvozani ishg'ol qila olmadi. Uchrashuvda mehmonlar 1:0 hisobida g'alaba qozonishdi.

“Obod” (Toshkent) – “Mashal” (Muborak) 0:1 (0:1)

Toshkent. “Jar” stadioni.

Gol: Kenja To'raev 41, - 0:1

“Obod”: Umidjon Yorbekov, Abror Husinov (Alisher SHog'ulomov, 77), Xurshid G'iyosov, G'ayrat Umirov, Doniyorbek Hasanov, Pavel Solomin (Farhod Mirahmatov, 46), SHoxruz Norxonov, Sardor Qahhorov, Anvar G'ofurov, Timur Hakimov, Sardor Sobirxo'jaev (Alisher Mirzaev, 62)

“Mashal”: Javohir Ilyosov, Iskandar SHoyqulov (Avaz Agaliev, 84), G'iyosjon Komilov, Sardor Abduraimov, Zohir Qo'ziboev, Jamshid Hasanov (Humoyun Murtazoev, 75), Vladislav Pavlenko, Abbos SHodmonov (Mirzakamol Kamolov, 68), Mirzohid G'ofurov, Kenja To'raev, Andrey Derkach

Ogohlantirishlar: Sardor Sobirxo'jaev 39, Abbos SHodmonov 47, Xurshid G'iyosov 83, Sardor Qahhorov 88, SHohruz Norxonov 90, G'ayrat Umirov 90+1, Alisher Mirzaev 90+2.