13 noy 07:02
Yangiliklar

Tadbirlar, Osiyo o'yinlari

Oltin medal uchun 99 mln. Samarqandda Osiyo o'yinlari g'olib va sovrindorlari taqdirlandi FOTOGALEREYA

Samarqand shahridagi "Boqiy shahar" majmuasida Xitoyning Xanchjou shahrida o'tkazilgan XIX yozgi Osiyo hamda IV Paraosiyo o'yinlari g'olib va sovrindorlari taqdirlandi.

Tadbirda bevosita Samarqand viloyati hokim Erkinjon Turdimov ishtirok etib, sportchilarga mukofotlarni topshirdi.

Osiyo va Paraosiyo o'yinlarida faxrli o'rinlarni qo'lga kiritgan sportchilar quyidagi pul mukofotlari hamda esdalik sovg'alari bilan taqdirlanishdi:

Oltin medal uchun – 99 million so'm, treneriga 66 million so'm;

Kumush medal uchun – 66 million so'm, treneriga 33 million so'm;

Bronza medal uchun – 33 million so'm, treneriga 16 million 500 ming so'm.

Umumiy hisobda taqdirlash uchun 3 milliard 36 million so'm ajratilgan.

Malumot uchun, samarqandlik sportchilar Xanchjou-2022 Osiyo o'yinlarida 5 ta oltin, 5 ta kumush va 3 ta bronza, Para Osiyo o'yinlarida esa 2 ta oltin va 6 ta bronza medalini qo'lga kiritgan edi.