Ommaviylik. CHinozda o'quvchi-qizlar bellashishdi FOTO

O'zbekiston Respublikasi Prezidentining 2017 yil 3 iyundagi “Jismoniy tarbiya va ommaviy sportni yanada rivojlantirish chora-tadbirlari to'g'risida”gi PQ-3031 – sonli qarorining ijrosini taminlash maqsadida tashkil etilgan mazkur spartakiadada kasb-hunar talimi muassasalarida tahsil olayotgan o'quvchi-qizlarnijismoniy tarbiya va sportga keng jalb etish orqali yod g'oyalar, xuquqbuzarlik, jinoyatchilik tasirlariga tushib qolishni oldini olish, bo'sh vaqtlarini mazmunli tarzda o'tkazish kabi ezgu-istaklarni qamrab olgan. 

Toshkent viloyati hokimligi, viloyat kasb-hunar talimi boshqarmasi, O'zbekiston Talabalar sporti associaciyaning Toshkent viloyati mintaqaviy bo'limi hamda O'zbekiston Yoshlar ittifoqi Toshkent viloyati kengashi bilan hamkorlikda tashkil etilgan spartakiada bahslarida viloyatda barcha hududlardan to'rtta sport turi bo'yicha g'oliblikni qo'lga kiritgan 105 nafar o'quvchi-qizlar o'zaro kuch sinashishdi. Bellashuvlar davomida do'stona munosabat, kuchli shijoat, g'oliblik  sari istedodlarning olg'a intilishi qizlarning sportga oshnolagidan darak berib turdi. 

Yakuniy natijalariga ko'ra badminton bo'yicha birinchi o'rinni angrenlik Zuhra Qahhorova qo'lga kiritdi. Stol tennisi bahslarida Olmaliq shahri vakilasi Navbahor Matkarimova g'oliblikni tantana qildi. Voleybol musobaqasida ham Olmaliq terma jamoasi barcha jamoalarga nisbatan kuchli ekanligini isbotlab, birinchi o'rin sohibalari bo'lishdi. SHaxmat bahslarida chirchiqlik istedodli shaxmatchi SHaxzoda SHermuhammedovaga teng keladigani topilmadi. G'olib va sovrindorlar diplom va esdalik sovg'alari bilan taqdirlanishdi. 

Rustam BOBOQULOV, O'zbekiston Talabalar sporti associaciyasi Toshkent viloyati mintaqaviy bo'limi rais o'rinbosari: 

- Spartakiada tarzida o'tgan mazkur musobaqning dastlabki bosqichlarida viloyatimiz bo'yicha 20 000 dan ziyod o'quvchi-qizlarimizni ommaviy sportga jalb etishga erishdik. SHuningdek, Toshkent viloyati kasb-hunar talimi boshqarmasi tasarrufidagi barcha kollejlarda ommaviy badantarbiya va gimnastika mashg'ulotlarini doimiy yo'lga quyish maqsadida “Assalom tong” deb nomlangan maxsus dastur ishlab chiqdik. Demoqchi bo'lganim har kuni ertalab darslardan oldin  kollejlardagi barcha o'quvchilar  15 daqiqa davomida jismoniy mashqlar bajaradi.  Haftaning juma kuni esa har bir kollejda  “Sport – salomatlik kuni” deb rejalashtirildi va bu kunda ommaviy sport musobaqalari o'tkaziladi.  Maqsadimiz, o'quvchilarimizni jismoniy tarbiya va sportga bo'lgan qiziqishlarini yanada kuchaytirish orqali sog'lom turmush tarzini targ'ib etish, ommaviylikni kuchaytirishdan iboratbo'ladi. 

Ilhom RAHMONOV tayyorladi, o'z muxbirimiz