31 avg 14:27
Yangiliklar

Tennis

Omonmurodova Almati turniri finaliga chiqdi

Qozog'istonning Almati shahrida o'tkazilayotgan tennis bo'yicha "Fyuchers" turkumiga kiruvchi turnir o'zining hal qiluvchi pallasiga kirdi.

Sovrin jamg'armasi 25 000 AQSH dollarini tashkil qiluvchi musobaqaning yakkalik bahslarida finalchilar nomi malum bo'ldi. Bundan bir necha daqiqa avval yakunlangan uchrashuvda hamyurtimiz Oqgul Omonmurodova final yo'llanmasini qo'lga kiritdi.

Tajribali tennischimiz 2 soatu 23 daqiqa davom etgan yarim final bahsida belaruslik Anna Kubarevadan 6:3, 5:7, 6:3 hisobida ustun keldi. Omonmurodovaning bosh sovrin uchun bahsdagi raqibasi, turnirning uchinchi raketkasi, rossiyalik Valeriya Yurchenko bo'ladi.