13 dek 08:01
Yangiliklar

Tennis

Omonmurodova Dubaydagi turnirda chorak finalga chiqdi

BAAning Dubay shahrida "Fyuchers" turkumiga kiruvchi nufuzli turnir davom etmoqda.

Sovrin jamg'armasi 100 000 AQSH dollarini tashkil qiluvchi musobaqada hamyurtlarimizdan Sabina SHaripova va Oqgul Omonmurodova ishtirok etayotgandi. Mamlakatimizning birinchi raketkasi yakkalikning ilk davrasida mag'lubiyatga uchradi.

Oqgul Omonmurodova esa saralashda yutqazgandi. Tajribali tennischimiz juftlik turnirida chorak final yo'llanmasini qo'lga kiritdi. Rossiyalik Aleksandra Panova bilan juftlik hosil qilgan Omonmurodova turkiyalik Pemra O'zgen va xorvatiyalik Ana Virjich hamkorligini 6:2, 6:0 hisobida mag'lub etdi.