Omonmurodova Leypcigdagi turnirning asosiy to'riga chiqdi

Sovrin jamg'armasi 25 000 dollarni tashkil qiluvchi musobaqada hamyurtimiz Oqgul Omonmurodova ham o'z imkoniyatini sinovdan o'tkazyapti. Tajribali tennischimiz saralash musobaqasini muvaffaqiyatli yakunlab, asosiy to'r ishtirokchisiga aylandi.

Saralashning ikkinchi raketkasi bo'lgan Omonmurodova avvaliga germaniyalik Irina Siemersni 6:1, 6:4, keyin esa yana bir mezbon tennischi Karolin Vernerni 6:3, 6:1 hisobida mag'lub etdi. Uning asosiy davraning ilk bosqichidagi raqibi avstraliyalik Izabel Uollas bo'ladi.