04 apr 13:54
Yangiliklar

Boks/MMA

ONE FC reytingining kuchli beshligidagi Sanjar Zokirov ertaga tongda uchinchi raqamli sportchiga qarshi jang qiladi

Ertaga tongda Tailandning Bangkok shahridagi Lumpinee Stadim'da muay-tay, kikboks, MMA va greppling janglarini o'z ichiga olgan ONE Fight Night 30 turniri tashkil etiladi.

Turnir doirasida o'zbekistonlik 21 yoshli aralash yakkakurash ustasi Sanjar Zokirov ham chiqish qiladi.

"Tornado"ga o'sha kuni Janubiy Afrika Respublikasi vakili Bokang Masunyane raqib bo'ladi. Zokirov minimal vazn toifasida ONE FC reytingida beshinchi o'rinni egallab turgan bo'lsa, Masunyane uchinchi pog'onada qayd etilgan.

Sanjar faoliyati davomida hozirga qadar 12 ta jang o'tkazib, ularning barchasida g'alaba qozongan. Bokang hisobida esa 10 ta g'alaba va 2 mag'lubiyat bor. Afrikalik sportchi ikki mag'lubiyatini ONE FC reytingida ikkinchi o'rindagi Jarred Bruks va uchinchi pog'onadagi Mansur Malachievdan qabul qilib olgandi.

Musobaqa Toshkent vaqti bilan 5:00 da boshlanadi.