ONE Fight Night 30. Sanjar Zokirov reyting etakchilaridan birini mag'lub etdi

Biz uchun ahamiyatlisi, oqshom doirasida o'zbekistonlik 21 yoshli aralash yakkakurash ustasi Sanjar Zokirov o'zining 15-jangini o'tkazdi. "Tornado"ga bugungi jangda Janubiy Afrika Respublikasi vakili Bokang Masunyane raqib bo'ldi. Zokirov minimal vazn toifasi ONE FC reytingida beshinchi o'rinni egallab turgan bo'lsa, Masunyane uchinchi pog'onada qayd etilgandi. 

Murosasiz kechgan jangda Sanjar Zokirov reytingda o'zidan yuqorida turgan raqibini hakamlarning yakdil qarori evaziga ochkolar hisobi bilan mag'lubiyatga uchratdi. Bu uning faoliyatidagi 15-g'alabasi bo'ldi. Hisobida durang va mag'lubiyat yo'q! 

Bokang bugun uchinchi mag'lubiyatini qabul qilib oldi. G'alabalari 10 taligicha qoldi. Afrikalik sportchi bundan avvalgi ikki mag'lubiyatini ONE FC reytingida ikkinchi o'rindagi Jarred Bruks va uchinchi pog'onadagi Mansur Malachievdan qabul qilib olgandi.