15 may 14:48
Yangiliklar

O'q otish

O'q otish: To'rtta medal qo'lga kiritgan sportchilarimiz tantanali kutib olindi

Germaniyaning Zul shahrida o'q otish sport turi bo'yicha yoshlar o'rtasidagi Jahon kubogida 4 ta medal qo'lga kiritgan hamyurtlarimiz O'zbekistonga qaytib kelishdi.

Kecha Islom Karimov nomidagi Toshkent xalqaro aeroportida sportchilarimiz tantanali ravishda kutib olindi. Kutib olish marosimida Sportni rivojlantirish vazirining o'rinbosari SHahrullo Mahmudov, o'q otish federaciyasi va OAV vakillari ishtirok etishdi.

Sportni rivojlantirish vazirligi hamyurtlarimizni mazkur g'alaba bilan muborakbod etadi.

Malumot uchun, o'q o'tish bo'yicha terma jamoamiz Ozarbayjonning Gabala shahriga yo'l oladi va u erda o'quv-mashg'ulot yig'inini o'tkazadi. Mashg'ulotlar yakunlangach, sportchilarimiz Gabalaning o'zida 20-27-may kunlari xalqaro turnirda, undan keyin 27-may – 7-iyun kunlari Boku shahrida kattalar o'rtasidagi Jahon kubogining navbatdagi bosqichida ishtirok etishi belgilangan.