O'q otuvchilarimiz Osiyo chempionatidagi muvaffaqiyatli yurishlarini davom ettirishmoqda

Qozog'istonning CHimkent shahrida o'tkazilayotgan o'q otish sporti bo'yicha 14-Osiyo chempionatida mamlakatimizning sport terma jamoasi tarkibidagi O'zbekiston Respublikasi mudofaasiga ko'maklashuvchi “Vatanparvar” tashkiloti merganlari yirik g'alabalarni qo'lga kiritmoqda.

Jumladan, “Vatanparvar” tashkilotining Surxondaryo viloyati kengashi o'q otish sporti sekciyasi azosi Nigina Saidqulova 21 yoshgacha bo'lgan sportchilar o'rtasida yakka tartibda kechgan bellashuvda 1-o'rinni egallab, oltin medal bilan taqdirlandi. U, shuningdek, jamoaviy bahsda ham g'oliblikni qo'lga kiritib, ikkinchi oltin medalga sazovor bo'ldi.

“Vatanparvar” tashkiloti Surxondaryo viloyati kengashining yana bir sportchisi Nuriddin Nuriddinov 16 yoshgacha bo'lgan sportchilar o'rtasida yakka tartibda kechgan musobaqada 3-o'rinni egallab, bronza medaliga sazovor bo'ldi.

Tashkilotning Namangan viloyati kengashi sportchisi Muhammad Kamolov 21 yoshgacha bo'lgan sportchilar o'rtasida yakka tartibda kechgan bellashuvda 3-o'rinni egallab, bronza medali bilan taqdirlandi. Jamoaviy bahsda esa unga 2-o'rin (kumush medal) nasib etdi.

“Vatanparvar” tashkiloti Toshkent viloyati kengashining o'q otish sekciyasi sportchilari Oybek Asilov jamoaviy kechgan bahsda 1-o'rinni egallab, oltin medalga sazovor bo'lgan bo'lsa, Iroda Azimboeva 21 yoshgacha bo'lgan sportchilar o'rtasida yakka tartibda o'tkazilgan musobaqada 2-o'rinni qo'lga kiritdi.

Qozog'istonning CHimkent shahrida o'tkazilayotgan o'q otish sporti bo'yicha 14-Osiyo chempionati 20 sentyabr kuni yakuniga etadi.

Eslatib o'tamiz, bir necha kun oldin – 4-11 sentyabr kunlari Rossiya Federaciyasida o'tkazilgan birinchi MDH davlatlari o'yinlarida pnevmatik quroldan o'q otish yo'nalishida “Vatanparvar” tashkiloti sportchisi Muhammad Kamolov faxrli 1-o'rinni egallab, oltin medalga sazovor bo'lgan edi.

O'zbekiston Respublikasi mudofaasiga ko'maklashuvchi “Vatanparvar” tashkiloti Matbuot xizmati