Oqgul Bursadagi ishtirokini g'alaba bilan boshladi

Turnirning mukofot jamg'armasi 50 ming dollarni tashkil etadi. Hamyurtimiz yakkalikning ilk davrasida saralash bahslari g'olibalaridan biri serbiyalik Milana Spremoga qarshi kortga chiqdi.

Bir soatu 25 daqiqa davom etgan uchrashuvda vakilamiz raqibasini 6:4, 6:2 hisobida mag'lub etdi. Endi Oqgul katta ehtimol bilan Sofiya SHapatovaga ro'baro' keladi. Gruziyalik bu tennischi turnirning uchinchi raketkasi sifatida qayd etilgan. SHapatova ilk bosqichda bolgariyalik Daya Evtimovaga qarshi kortga chiqadi.