23 iyu 19:03
Yangiliklar
Tennis
Oqgul SHveciya turnirining ikkinchi raketkasini mag'lub etdi
Tajribali tennischimiz Oqgul Omonmurodova SHveciyaning Yastad shahri mezbonlik qilayotgan turnirdagi ishtirokini muvaffaqiyatli davom ettirmoqda.
Hamyurtimiz sovrin jamg'armasi 25 ming dollarni tashkil qiluvchi ushbu musobaqada sakkizinchi raqam ostida harakat qilyapti. Bugun vakilamiz chorak final uchrashuvida turnirning ikkinchi raketkasi chililik Daniela Seguelga qarshi kortga chiqdi.
Roppa-rosa ikki soat davom etgan bahsda Oqgulning qo'li baland keldi. Birinchi setni 2:6 hisobida boy berishiga qaramay, hamyurtimiz qolgan ikki setda 6:0, 6:2 hisobida zafar quchdi.
Ertaga
Omonmurodova yarim final uchrashuvida Magdalena Frechga qarshi kortga chiqadi. Polshalik
bu tennischi daniyalik Emilie Frankattidan 6:3, 6:2 hisobida ustun keldi.
Havola :
Manba : olamsport.com
Fikrlar