Osiyo boks konfederaciyasi navbatdan tashqari kongress o'tkazadi. Unda IBA azoligidan chiqish muhokama etiladi

Xabaringiz bor, yaqinda Xalqaro Olimpiya qo'mitasi 2028 yil Los-Anjelesda (AQSH) bo'ladigan Olimpiya o'yinlari doirasida boks sport turini musobaqa dasturidan chiqarish ehtimoli haqida ogohlantirgan edi.

Osiyo boks konfederaciyasi holatni inobatga olgan holda XOQni qatiy ravishda qo'llab-quvvatlashini bildirdi. Bayonotda aytilishicha, XOQ Xalqaro boks assosiaciyasi (IBA)ni boshqaruv organi sifatida tan olishni to'xtatganidan so'ng, IBA'ning ayni damdagi azolari Los-Anjeles Olimpiadasida ishtirok etishlariga to'sqinlik qilishi mumkin.

Ushbu holatda Osiyo boks konfederaciyasi direktorlar kengani keyingi qadamlarni belgilab olish maqsadida 26 iyun kuni yig'ilish o'tkazgan. Yig'ilishda esa favqulodda kongress o'tkazish taklifi maqullangan.

Navbatdan tashqari kongress 31 avgust kuni Abu-Dabi shahrida bo'lib o'tadi.

Xalqaro Olimpiya qo'mitasi IBA'ni tan olmasligini hisobga olib, Osiyo boks konfederaciyasi kongressda Jahon boks (World Boxing) tashkiloti azoligiga kirish masalasini ko'rib chiqadi.