"Osiyo bolalari" o'yinlarining ikkinchi kunidan so'ng O'zbekiston 13 ta medal bilan etakchi

Ortda qolgan ikkinchi kungi bahslarda O'zbekiston sport delegaciyasi 4 ta oltin, 4 ta kumush va 5 ta bronza medali bilan umumjamoa hisobida etakchilik qilmoqda. Sambo bellashuvlarida yurtimiz sportchilari 2 ta oltin, 2 ta kumush va 5 ta bronza medalini qo'lga kiritishdi.

SHavkat Jo'raev va Zafar Allaberganov murabbiyligidagi mahoratli yosh sambochilarimizdan Vazira Nurillaeva va Haydarbek O'roqboev oltin, Mehriniso Nuriddinova va SHohjahon G'olibov kumush, Kumushbibi Ergasheva, Sardor Yodgorov, Davlatjon Kozimov, Firdavs Asinjonov, Dilmurod Do'smurodov bronza medallariga ega chiqdi.

SHuningdek, "Osiyo bolalari" o'yinlarining ikkinchi kunida sovrinli o'rinlarga davogarlik qilgan yurtimiz taekvondochilari ham munosib natijalarni qayd etdi.

O'zbekiston taekvondo tera jamoasi azolaridan Omadbek Otabekov 55 kilogrammda, Behruz Salimov 48 kilogrammda oltin, Javohir Serekbaev 63 kilogrammda, Feruza Ernazarova +63 kilo og'irlikda kumush medallarga sazovor bo'ldi.

Eslatib o'tamiz, 30 ta davlatning yosh sportchilari ishtirok etayotgan "Osiyo bolalari" sport o'yinlari 7 iyulga qadar davom etadi.