Osiyo chempionati. Klassik yo'nalishda ham birinchi bo'ldik

Quvonarlisi, xuddi blic yo'nalishida bo'lgani kabi bu turda ham hamyurtlarimiz medallar jamg'arish bo'yicha etakchilik qilishdi. Terma jamoamiz azolari 4ta oltin, 4ta kumush medalni qo'lga kiritishdi. 

Ertaga shashka bo'yicha Osiyo chempionatida rapid yo'nalishidagi bahslarga start beriladi. 

Eslatib o'tamiz, shashkachilarimiz blic yo'nalishida jami 22ta medalga egalik qilishgan edi. SHulardan 6tasi oltin, shunchasi kumush, 10tasi bronza medallaridir.  

Malumot uchun, Osiyo shashka federaciyasi qita chempionati mezbonligini qatorasiga uchinchi marotaba poytaxtimizga ishonib topshirgan. Har ikki yilda bir bor tashkil etiladigan Osiyo chempionati 2013 va 2015 yillarda ham Toshkent shahrida bo'lib o'tgandi. 

Hali shu paytgacha hech bir davlatga bunday imkoniyat va imtiyoz berilmagan edi.