Osiyo chempionatida sovrindor bo'lgan futzalchilarimizning xar biri 24 564 000 so'm pul mukofoti bilan taqdirlandi

Marosimda O'zbekiston milliy olimpiya qo'mitasi prezidenti va O'FA 1-vice-prezidenti Umid Ahmadjonov, O'FA masullari, futzalchilar va OAV vakillari ishtirok etishdi.

Xabaringiz bor, futzal bo'yicha milliy terma jamoamiz Xitoy Taypeyidagi Osiyo chempionatida 3-o'rin uchun bahsda Iroq terma jamoasini mag'lub etib, bronza medallarini qo'lga kiritishgandi. Ushbu yuksak natijaga erishgan futzal terma jamoasining har bir azosiga 24 564 000 so'm miqdorida mukofot puli berildi.  

O'tgan yili Taylanda o'tgan U-18 World Deaf Futsal Championship — futzal bo'yicha zaif eshituvchilar o'rtasidagi Jahon chempionati g'olib chiqqan futzalchilar esa ushbu ajoyib g'alaba uchun 15 dekabr kuni O'zbekiston futbol federaciyasida bo'lgan marosimda mukofotlanishgan edi. O'shanda har bir futzalchiga 2 000 000 so'm miqdorida mukofot puli taqdim qilingan. SHuni ham alohida takidlab o'tish kerakki, U-18 World Deaf Futsal Championship norasmiy musobaqa bo'lib, FIFA tasnifiga kirmaydi.

O'zbekiston futbol Associaciyasi qaramog'ida esa faqat FIFA tasnifiga kiruvchi terma jamoalar bo'ladi. SHunga qaramay, U-18 World Deaf Futsal Championship — futzal bo'yicha zaif eshituvchilar o'rtasidagi Jahon chempionatidag'olib chiqib, Vatanimiz bayrog'ini yuksakka ko'targani uchun yosh futzalchilarga O'zbekiston futbol Associaciyasi yana bir bor mukofot pullari taqdim qilishga qaror qildi. Bu safar Zaif eshitiuvchilar terma jamoasining har bir azosiga 16 376 000 so'm miqdorida mukofot taqdim qilindi.

Futzalchilarga mukofot pullarini O'zbekiston milliy olimpiya qo'mitasi prezidenti va O'FA 1-vice-prezidenti Umid Ahmadjonov topshirdi.

"Qo'lga kiritilgan yuksak natijalar bilan barchangizni yana bir bor tabriklayman. Erishilgan bu yutuqlar bilan to'xtab qolmanglar. Oldinga intilishda davom etinglar. Buning uchun O'zbekiston futbol Associaciyasi barcha zarur shart-sharoitlarni yaratib bermoqda. Barchamiz bir oila bo'lib, birgalikda harakat qilsak, bundan ham katta natijalarni qo'lga kiritamiz", - dedi Umid Ahmadjonov.