Osiyo chempionatida zafarli odim

Buxoro viloyatida sportning penchak silat turi bo'yicha bo'lib o'tgan xalqaro turnir hamda Osiyo chempionatida namanganlik sportchi yoshlar munosib ishtirok etib, salmoqli natijalarni qo'lga kiritib kelishlari bu sport turiga qiziqish va etibordan darak beradi.

Yangi Namangan tumani 70-sonli umumtalim maktabining jismoniy tarbiya fani o'qituvchisi Abdulbori Toshboev boshchiligidagi Namangan viloyati terma jamoasi azolari ushbu nufuzli musobaqalarda qator medallar shodasiga ega bo'ldi.

Jumladan, Yangi Namangan tumanidagi 70-maktabning 5-sinf o'quvchisi Yosinxon Husniddinov o'z vaznida xalqaro turnirda oltin medal, qitamiz miqyosidagi raqobatda esa kumush medali bilan taqdirlandi. CHempion sifatida etirof etilgan Yosinxon ustozi Abdubori Toshboev bilan joriy yilning 16-23 dekabr kunlari Birlashgan Arab Amirliklarining Abu Dabi shahri mezbonlik qiladigan jahon chempionatida ishtirok etadi.  

Namangan shahridagi 3-maktabning 5-sinf o'quvchisi Azizbek Muxtorov, 43-maktabning 5-sinf o'quvchisi Olim Mahmudov Osiyo chempionatining kumush medallariga munosib ko'rildi.

38-maktabning 4-sinf o'quvchisi Umarxon Rahimov xalqaro turnirda g'oliblikning eng yuqori shohsupasiga ko'tarilgan bo'lsa, turnirda finalgacha etib kelgan 21-maktabning 4-sinf o'quvchisi Muhammad Nishonboev vice-chempionlikka sazovor bo'ldi.

Namangan viloyati jamoasining sportchi-yoshlari respublika Sport vazirligining diplom, qimmatbaho sovrinlariga ega bo'lishdi.