Osiyo chempionatidagi muvaffaqiyatli yurish davom etadi

Qita chempionatida muvaffaqiyatli ishtirok etayotgan O'zbekiston terma jamoasi ortda qolgan 5ta turda qimmatli ochkolarni jamg'arib olishdi. Hamyurtlarimizdan Ruqiya Olimova (7 yosh), WCM Afruza Hamdamova (9 yosh), SM Humoyun Bekmurodov (9 yosh), Olmos Rahmatullaev (13 yosh) hamda Sitora Saparova (17 yosh) 5 imkoniyatdan 5 ochko to'plab, o'z yosh guruhlarida peshqadamlik qilishyapti. 

Tohir Nematov (7 yosh), FM Abdumalik Abdusalimov (17 yosh), Davlatbek Mahmudjonov (10 yosh) esa 4,5 ochko bilan karvonboshilarni taqib etishda davom etishmoqda. 

SHuningdek, WCM Umida Omonova (13 yosh) ham mag'lubiyat nimalagini bilmayapti. U 5ta partiyada 3ta g'alaba va 2ta durang natija qayd etdi hamda 4 ochko bilan sovrinli o'rinlar uchun kurashyapti. Ali Qosimov (15 yosh) hisobida ham 4 ochko bor. 

Qolgan shaxmatchilarimiz Muhammadali Abdurahimov (17 yosh), Zilola Aktamova (11 yosh) va Muhammadzohid Suyarov (9 yosh) 3,5 ochkodan jamg'arishdi. Mohinur Habibullaeva (13 yosh) 3, Safinoza Jalilova (15 yosh) esa 2,5 ochkoga ega bo'lib turibdi. Osiyo chempionati yakunlanishiga yana 4ta tur bor.