Osiyo chempionatini birinchi o'rinda yakunlagan chempionlar taqdirlandi

Qitamizning 15 mamlakatidan 450 nafardan ortiq shaxmatchi qatnashgan musobaqadan o'zbekistonlik yosh aql-idrok sohiblari yurtimizga 34 ta medal bilan qaytib kelishgandi.

Bugun qita birinchiligida umumjamoa hisobida g'olib bo'lgan shaxmatchilarimiz Milliy olimpiya qo'mitasi tomondan taqdirlanishdi. Tantanali marosimida O'zbekiston Milliy olimpiya qo'mitasi Bosh kotibi Jasur Matchanov, O'zbekiston shaxmat federaciyasi mutasaddilari, yosh chempionlar va ularning ota-onalari, murabbiylar hamda OAV xodimlari ishtirok etishdi.

«Sizlar bugungi kun qahramonisizlar. Buning uchun eng avvalo ota-onangizga rahmat aytishimiz lozim. Sizlar tengdoshlaringizga haqiqiy namuna bo'la oldingiz. Aynan sizga qarab ular ham yuqori maqsadlar sari intiladilar. SHaxmat qiyin sport turlaridan biri hisoblanadi. Buning uchun aqlan, ruxan va jismonan kuchli bo'lish lozim.

Nasib qilsa, kelajakda sizlardan vatanimiz va jamiyatimiz uchun foydasi tegadigan insonlar etishib chiqadi», – dedi Jasur Matchanov.

Eslatib o'tamiz, Osiyo chempionati davomida Umida Omonova, Humoyun Begmurotov, Afro'za Hamdamova, Davlatbek Mahmudjonov, Sitora Saparova, Muhammadali Abdurahmonov, Olmos Rahmatullaev, Ali Qosimov, Abdimalik Abdisalomov, Ruqiya Olimova, Zilola Aktamova, Tohir Nematov, Mohinur Xabibullaeva, Muhammadzohid Suyarov kabi yosh yurtdoshlarimiz shaxmatning standart, blic va rapid yo'nalishlarida zafarli yurishni amalga oshirib, shohsupaga ko'tarilishdi.