Osiyo chempionatining ilk kunidayoq 11ta medal+FOTO

Qita chempionati 7,9,11,13,15 hamda 17 yoshli maktab o'quvchilari o'rtasida o'tkazilmoqda. Terma jamoamiz azolari rapid yo'nalishida 4ta oltin, 3ta kumush, 4ta bronza medalini qo'lga kiritishga muvaffaq bo'lishdi. 

Hamyurtlarimizdan Humoyun Bekmurodov 9 yoshli shaxmatchilar o'rtasida 7 imkoniyatdan 6,5 ochko to'plab, Osiyo chempioniga aylandi. Afruza Hamdamova ham 9 yoshlilar musobaqasida 6,5 ochko bilan oltin medalni qo'lga kiritdi. Yana bir chempionlik shoxsupasi Olmos Rahmatullaevga nasib etdi. U 13 yoshli shaxmatchilar turnirida 6 ochko bilan chempion bo'ldi. Terma jamoamizga to'rtinchi oltin medalni Umida Omonova keltirdi. Umida 13 yoshlilar orasida 7ta partiyaning barchasida g'alaba qozondi.

Zilola Aktamova 11 yoshlilar orasida, Ali Qosimov 15, Abdumalik Abdisalimov esa 17 yoshli shaxmatchilar o'rtasida kumush medal bilan taqdirlandi. 

Etti yoshli bolalar musobaqasida qatnashgan Tohir Nematov, 11 yoshlilar guruhi ishtirokchisi Davlatbek Mahmudjonov, 17 yoshli qizlar turnirida imkoniyatini sinovdan o'tkazgan Sitora Saparova, aynan shu yoshdagi o'g'il bolalar o'rtasida Muhammadali Abdurahmonov bronza medaliga sazovor bo'ldi. 

Bugun SHri-Lankdagi Osiyo chempionatida ishtirokchilar standart shaxmat bo'yicha medallar shodasi uchun bahslarga kirishishadi.