Osiyo chim ustida xokkey federaciyasi delegaciyasi O'zbekistonga tashrif buyurdi

Tashrifdan ko'zlangan maqsad O'zbekistonda chim ustida xokkey sport turini rivojlantirish masalalarini ko'rib chiqishdan iborat.

Tashrif chog'ida Tayab Ikram bir qator uchrashuvlar o'tkazdi. Jumladan, Milliy olimpiya qo'mitasi prezidenti Rustam SHoabdurahmonov bilan uchrashuv chog'ida ikki tomonlama hamkorlikni rivojlantirish, mamlakatda chim ustida xokkey maydonlarini barpo etish va bir qator masalalar yuzasidan suhbat bo'lib o'tdi.

27-28 sentyabr kunlari O'zbekiston chim ustida xokkey federaciyasi raisi Bahodir Ahmedov boshchiligida Osiyo chim ustida xokkey federaciyasining delegaciyasi Andijon viloyatiga tashrif buyurdi. Delegaciya u erda barpo etilyotgan suniy qoplamali maydon qurilishi ishlari bilan tanishdi.

29 sentyabr kuni poytaxtimizdagi Olimpiya shon shuxrati muzeyida O'zbekiston va Osiyo chim ustida xokkey federaciyasi vakillari bilan matbuot anjumani bo'lib o'tdi. Anjumanda Tayab Ikram so'zga chiqib, samimiy qabul uchun minnatdorchiligini bildirib o'tdi va Bahodir Ahmedovni Markaziy Osiyo chim ustida xokkey federaciyasining direktori etib tayinlanganligi malum qildi. Bu esa o'z navbatida mamlakatimizda mazkur sport turini rivojlanib borayotganligidan dalolat beradi.

Uchrashuv so'ngida Osiyo va O'zbekiston chim ustida xokkey federaciyalari o'rtasida o'zaro hamkorlik memorandumi imzolandi. Mazkur memorandumga muvofiq, Osiyo chim ustida xokkey federaciyasi yurtimizda ko'plab sport maydonlarini barpo etish, chim ustida xokkey sport turnini yanada rivojlantirish doirasida izchil hamkorlik yo'lga qo'yiladi.