Osiyo Kubogi-2019. BAAdagi stadionlar va o'yin kunlari tasdiqlandi

Musobaqa 5 yanvar - 1 fevral kunlari bo'lib o'tadi. Abu Dabi shahrida bo'lib o'tgan tashkiliy qo'mitaning navbatdagi yig'ilishida uchrashuvlar bo'lib o'tadigan stadionlar hamda o'yin kunlari tasdiqlandi.

Osiyo Kubogining ochilish marosimi (birinchi o'yin) va final uchrashuvi Abu Dabidagi "Zayed Sports City" stadionida tashkil etiladi. SHuningdek, Dubay shahridagi ikkita stadionda ham o'yinlar o'tkaziladi: birinchisi - Maktoum Stadium ("Al Nasr" o'yingohi), ikkinchisi - Maktoum bin Rashid Stadium ("Al SHabab" o'yingohi). 

Umuman olganda, Osiyo Kubogi-2019 bahslari Abu Dabidagi uchta stadionda, Dubay va Al Ayndagi ikkitadan stadionda hamda SHarjadagi bitta stadionda bo'lib o'tadi. Musobaqada jamoalar to'rttadan olti guruhga bo'linishadi. Jami 24ta terma jamoa ishtirok etadi.