Osiyo Kubogi-2019. Yana bir bosh murabbiy istefoga chiqdi

Bahrayn bilan kechgan bahsda hindlar 0:1 hisobida yutqazib qo'yishdi. SHunday qilib Hindiston guruh o'yinlarida 3 ochko bilan oxirgi o'rinni egalladi va musobaqani tark etdi. Bahs yakuniga etgach jamoa bosh murabbiyi Stefen Konstantin o'z lavozimini bo'shatib berayotganini malum qildi.

- Istefoga chiqyapman. To'rt yil Hindiston terma jamoasini boshqardim va asosiy maqsadimiz Osiyo Kubogida ishtirok etish edi. Biz bu ishni amalga oshirdik va bundan juda xursandman. Barchaga o'z minnatdorchiligimni bildiraman".

- Men ketayotganimdan xafaman, chunki o'z ishimga nihoyatda o'rganib qolganman. Bugun turmush o'rtog'imning tug'ilgan kuni va olti yildirki, men uyga bormayman. Uch nafar qiz farzandim bor va ularni ham uch-to'rt oy deganda zo'rg'a ko'raman. SHunday ekan, endi uyga qaytib, oilam bilan birga bo'laman", - dedi angliyalik murabbiy.