15 dek 14:40
Yangiliklar

Futbol

Osiyo Kubogi bosh sovrini Yaponiyada

Yangicha shaklda yasalgan Osiyo Kubogining bosh sovrini shu yilning 4 may kuni birinchi bor keng jamoatchilikka ko'z-ko'z qilingandi.

O'shanda Dubayda o'tkazilgan qura tashlash marosimida zalga yig'ilganlarga sovrin namoyish etilgandi. SHu haftaning seshanba kuni tashkilotchilar sovrinni Yaponiya poytaxti Tokioga olib kelishdi. Bundan ko'zlangan maqsad, kubokni muxlislarga namoyish qilish. Kubok ko'rgazmasi dastlab Xitoydan boshlandi, undan keyin Seulga etkazildi.

Bugun va ertaga Tokiodagi "Asahi TV" binosida kubok ko'rgazmasi bo'lib o'tadi. Bunda muxlislar kelib bosh sovrin bilan esdalik suratga tushishlari mumkin. 19 dekabr kuni Osiyo Kubogi-2019 musobaqasi g'olibiga beriladigan sovrin Dubayga olib boriladi.