Osiyo Kubogining ikkinchi kuni 14 ta medal qo'lga kiritdik + FOTO

Musobaqada ikki qitaning 8 davlatidan 1000 nafardan ziyod dzyudochi ishtirok etdi. Unda Tohir Fayziev murabbiyligidagi dzyudochilarimiz ham muvaffaqiyatli qatnashishdi. 

Birinchi kungi bellashuvlarda jami 15 ta medal qo'lga kiritgan hamyurtlarimiz kecha 14 ta medalga ega chiqishdi. Kechagi bahslardagi yagona oltin medalni +70 kg vazndagi Zarina Bobonazarova terma jamoamizga taqdim etdi. 

Fotima Zokirova (-63 kg), Sarvinoz Rafkatova (-70 kg), Mushtariybegim Afsalova (+70 kg), Muhammadali Sadullaev (-81 kg), Abduhalil Abdushukurov (-90 kg) kumush, Botir Yo'ldoshev (-81 kg), Ollanazar Qodirov (-90 kg), Alibek Hayitboev (+90 kg), Gulbahor Imomnazarova, Gulsanam Hazratova (ikkisi ham -57 kg), Nigina Saparboeva, Zuhrajon Umarova (ikkisi ham -63 kg) hamda SHoira Aminova (-70 kg) bronza medalini qo'lga kiritdi.