Osiyo Olimpiya Kengashi rossiyalik sportchilarning xalqaro turnirlarda ishtirok etishini istamoqda

"Sportchilar millatchilik, diniy, etnik diskriminaciyani yo'qqa chiqarishga asoslangan Olimpiya harakatining avtonomiyasini to'laligicha qo'llab-quvvatlashdi. SHu sababli forum qatnashchilari o'z qonunchiligi chiqarayotgan qonunlar sabab sportchilar jazolanmasligi borasida xulosaga kelishdi. Sportchilar xalqaro musobaqalarda (shu jumladan Osiyo o'yinlariga ham) hech qanday diskriminaciyasiz qatnashishlari kerak. 

Rus va belaruslik sportchilarga keladigan bo'lsak, ular belgilangan shartlar evaziga xalqaro turnirlarga qaytarilishi darkor", - deyiladi tashkilot matbuot xizmati xabarida.

Belgilangan shartlar sifatida rus va belaruslik sportchilarning neytral statusda (bayroq va milliy belgilarsiz) qatnashishi, barcha qatori antidoping qoidalariga rioya qilishi, osiyolik sportchilarga saralashlarda adolatli munosabatda bo'lishi keltirilgan.