Osiyo o'yinlari. 12-kunda ettita medal qo'lga kiritdik!

Bugun bahslarda ishtirok etadigan o'zbekistonlik sportchilarga oid tezkor yangiliklarni ushbu sahifa orqali kuzatib borishingiz mumkin bo'ldi. 

Kun yakunlariga ko'ra, sovrindor sportichilarimiz ro'yxati quyidagicha ko'riish oldi:

Oltin:

Vadim Menkov (baydarka va kanoeda eshkak eshish)

Kumush Yuldasheva (kurash)

SHermuhammad Jandreev (kurash)


Kumush:

Dilnoza Rahmatova, Nilufar Zokirova (baydarka va kanoeda eshkak eshish)

Yahyo Imomov (kurash)

Bronza:

SHahriyor Mahkamov, SHohruhbek Azamov (baydarka va kanoeda eshkak eshish)

Nurislom To'xtasin o'g'li, Serik Mirbekov (baydarka va kanoeda eshkak eshish)

Gulnoza Matniyozova (dzyudo)

16:48. Gulnoza Matniyozova xitoylik YA Juni mag'lub etdi va BRONZA medaliga sazovor bo'ldi.

16:15. Bizda navbatdagi oltin va kumush! Kurash bahslarida SHermuhammad Jangdreev Yahyo Imomovni mag'lub etdi va oltin medalni qo'lga kiritdi. Yahyo esa kumush medalga ega chiqdi

16:02. Kumush Yuldasheva Osiyo o'yinlarida O'zbekiston hisobiga 14-oltin medalni taqdim etdi! Bu kurashchilarimizning Osiyo o'yinlaridagi o'ninchi medali edi!!!

15:33. Kurash. Hamyurtimiz SHermuhammad Jandreev kuvaytlik Misri Husayinni mag'lub etdi va finalga chiqdi! Finalda Imomov va Jandreev o'zaro kurashishadi. Yani O'zbekiston uchun oltin va kumush medal naqd. 

15:21. Kurashchimiz Yahyo Imomov qozog'istonlik Ersultan Muzapparovni engib finalga chiqdi.

15:17. Kurash. Yarim finalda Kumush Yuldasheva taypeilik kurashchini mag'lub etib finalga chiqdi. Finalda hamyurtimiz mo'g'ulustonlik Otgon Munkxtsetseg bilan kurashadi.

14:26. Trampolinda sakrash bo'yicha finalda hamyurtimiz Farangiz Ro'zieva beshinchi o'rinni egalladi.

14:23. Kurash. Hamyurtimiz SHermuhammad Jandreev chorak finalda afg'onistonlik sportchini mag'lub etib yarim finalga chiqdi.

Yahyo Imomov chorak finalda turkmanistonlik Guvonch Begalievni mag'lub etib yarim finalga chiqdi.

Kumush Yuldasheva yarim finalda xitoy taypeilik Yang Xsientzu bilan kurashadi.

13:26. Kurash. -90 kg vaznda hamyurtimiz SHermuhammad Jandreev turkmanistonlik raqibni mag'lub etib chorak finalga chiqdi.

13:23. Kurash. -90 kg vaznda hamyurtimiz Kumush Yuldasheva ilk bosqichda indoneziyalik raqibasini mag'lub etdi. CHorak finalda Kumush qozog'istonlik Kaljan Taijanova bilan to'qnash keladi.

13:20. Kurash. -78 kg vaznda o'zbekistonlik Dilroza Bozorova qozog'istonlik kurashchiga yutqazib qo'ydi. 

13:18. Kurash. -90 kg vaznda hamyurtimiz Yahyo Imomov birinchi bosqichda eronlik kurashchini taslim qildi. Ikkinchi bosqichda Imomov hindistonlik sportchidan ustun keldi va Yahyo Imomov chorak finalga chiqdi.

10:19. Dzyudochimiz Gulnoza Matniyozova yarim finalda janubiy koreyalik sportchiga imkoniyatni boy berib qo'ydi. Endi u bronza medali uchun tatamiga chiqadi.

09:40. SHarofiddin Boltaboev va G'iyosjon Boboev chorak finalda imkoniyatni boy berib qo'ydi. Gulnoza Matniyozova esa yarim finalga chiqdi. 

08:45. Eshkak eshish. 1000 metrga kanoeda eshkak eshgan Nurislom To'xtasin o'g'li va Serik Mirbekov juftligi marraga uchinchi bo'lib etib bordi va BRONZA medalini qo'lga kiritdi.

08:38. Dzyudo. G'iyosjon Boboev va SHarofiddin Boltaboev ilk janglarida g'alaba qozonishdi va chorak finalga yo'l olishdi.

08:20. Eshkak eshishning juftlik bahslarida 1000 metrga suzgan SHahriyor Mahkamov va SHohrux Azamovlar BRONZA medaliga ega chiqishdi.

07:13. OLTIN MEDAL! Vadim Menkov Osiyo o'yinlarining to'rt karra chempioni!!! Hamyurtimiz O'zbekiston sport delegaciyasiga ushbu Osiyo o'yinlaridagi 13-oltin medalni taqdim etdi.

06:51. Toshkent vaqti bilan soat 7:10da Vadim Menkov kanoeda 1000metrga eshkak eshish bo'yicha startga chiqadi. 

06:45. Eshkak eshish. 500 metr masofaga to'rt kishilik ekipajda o'tkazilgan bahslarda O'zbekiston terma jamoasi vakillari marraga beshinchi bo'lib etib borishdi.

06:34. Eshkak eshish. Kanoeda eshkak eshish bo'yicha ayollar o'rtasida 500 metr masofaga o'tkazilgan bahslarda Dilnoza Rahmatova/Nilufar Zokirova tandemi marraga ikkinchi bo'lib etib bordi va KUMUSH medalni qo'lga kiritdi.

06:28. Assalomu alaykum. O'zbekistonlik sportchilarning ishtirokiga bag'ishlangan onlayn matnli translyaciyamizni boshlaymiz.

Bugun Osiyo o'yinlarida ishtirok etadigan sportchilarimiz ro'yxati:

Dzyudo:

(saralash va final)

-57kg: Amangul Allanazarova
-70kg: Gulnoza Matniyazova
-73kg: G'iyosjon Boboev
-81kg: SHarofiddin Boltaboev

Kurash:

(saralash va final)

-90kg: SHermuhammad Jandriev
-90kg: Yahyo Imomov
-78kg: Dilroza Bozorova
-78kg: Kumush Yuldasheva


Trampolin:

(saralash va final)

Amiran Babayan
Samirbek Usmonov
Farangiz Ro'zieva


Ot sporti:

(Yakkalik)

Nurjan Tuyakboev
Oqil Sobirjonov


Velosport:

(trek)

Murod Xolmurodov (omnium)

Rinata Baymetova (3 000m)



Baydarka va kanoeda eshkak eshish:

SHohruh Azamov, SHahriyor Mahkamov (juftlik, qayiq, 1000 m, final)


A.Tropin, V.Ibragimov, J.Nurmatov, A.Machalov (to'rttalik, qayiq, 500 m, final)


Vadim Menkov (yakkalik, kanoe, 1000 m, final)


Nurislom To'xtasin o'g'li, Serik Mirbekov (juftlik, kanoe, 1000 m, final)


Ekaterina SHubina (yakkalik, qayiq, 500 m, final)

Dilnoza Rahmatova, Nilufar Zokirova (juftlik, kanoe, 500 m, final)