Osiyo o'yinlari. 13-kun. O'zbekistonlik sportchilardan to'rtta bronza

Hamyurtlarimizning ishtiroklariga oid eng tezkor yangiliklar bilan ushbu sahifa orqali tanishib borishingiz mumkin bo'ldi.

Kun yakuniga ko'ra to'rt nafar sportchimiz bronza medali bilan taqdirlandi:

SHerali Jo'raev (dzyudo)
Bekmurod Oltiboev (dzyudo)
Nodira Gulova (sambo)
Ahmad Rahmatulloev (sambo)

17:25. Boks. Isroil Madrimov yarim finalda filippinlik Marsial Feliksni mag'lub etib FINALga chiqdi!

17:06. Sambo. Ahmad Rahmatulloev bronza medali uchun bahsda tojikistonlik Jomi Hasanini mag'lub etib BRONZA medaliga ega bo'ldi.

17:04. Sambo. Islom Ahmedjanov bronza medali uchun bahsda qozog'istonlik Beimbet Kanjanovga yutqazib qo'ydi.

16:58. Boks. Iqboljon Xoldorov yarim finalda yaponiyalik Daysuke Narimacuni mag'lub etib FINALga chiqdi!

16:43. Boks. Mirazizbek Mirzahalilov yarim finalda mezbonlar vakili Amoragam Sunan Agung bilan jang qildi va FINALGA chiqdi!  

16:41. Sambo. Bronza medali uchun ikki hamyurtimiz Nodira Gulova hamda Madina Turg'unboeva bahs olib borishdi. Unda Nodira Gulova g'olib bo'ldi va BRONZA medaliga ega chiqdi.

16:12. Hasanboy Do'smatov yarim finalda xitoylik raqibga qarshi jang qildi va finalga yo'l oldi!

16:03. Dzyudochimiz Bekmurod Oltiboev bronza medali uchun eronlik Javod Mahjubga qarshi jang o'tkazdi va g'alaba qozondi. Bizda bronza!

15:19. Sambo. Madina Turg'unboeva yarim finalda mo'g'ulistonlik raqibasiga mag'lub bo'ldi. Endi u bronza medali uchun boshqa bir sportchimiz, o'tish janglari orqali sovrinli o'rinlarga kurashni davom ettirayotgan Nodira Gulovaga qarshi jang qiladi.

15:00. Dzyudo. SHerali Jo'raev bronza medali uchun o'tkazilgan bahsda BAA vakili Ivan Remarenkoni mag'lub etdi va sovrindorlar qatoridan joy oldi!

14:29. Madina Turg'unboeva yarim finalga yo'l oldi. Nodira Gulova va Ahmad Rahmatulloev chorak finalda yutqazib qo'yishdi. Endi ular bronza medali uchun kurashni davom ettiradilar. 

14:18. Dzyudo. Afsuski, SHahzodbek Sobirov bronza medali uchun jangda yaponiyalik Mashu Bakerga imkoniyatni boy berdi.

13:35. Ahmad Rahmatillaevda ham g'alaba. Islom Ahmedjonov esa afsuski ilk jangida mag'lub bo'ldi. 

13:34. Sambo. Nodira Gulova va Madina Turg'unboeva musobaqani g'alaba bilan boshlashdi va chorak finalga yo'l olishdi. 

13:30. Bobousmon tailandlik raqibini 4:1 hisobida mag'lubiyatga uchratib finalga yo'l oldi! Uchinchi final. Hamyurtimizga finalda qozog'istonlik bokschi raqiblik qiladi. 

13:22. Sambo bo'yicha bahslar start oldi. Janglarda to'rt nafar hamyurtimiz yurtimiz sharafini himoya qiladi. 

13:13. Bobousmon Baturov ishtirokidagi jang boshlanmoqda. Unga tailandlik Ardi Saylom raqiblik qiladi. 

13:08. Velosportchilarimiz Medison yo'nalishidagi bahsarda beshinchi o'rinni egallashdi. 

13:02. Suvga sakrash. Doston Botirov 3 metrdan sakrash bahslarida o'z imkoniyatini sinovdan o'tkazmoqda.

12:59. SHunqor finalda mo'g'ulistonlik bokschiga qarshi to'qnash keladi. 

12:45. Boks. SHunqor Abdurasulov tailandlik raqibga qarshi jang o'tkazib, 5:0 hisobida g'alaba qozondi va finalga yo'l oldi! 

12:31. Endi SHunqor Abdurasulov final yo'llanmasi uchun jang qilmoqda.

12:30. Latipov finalda filippinlik charm qo'lqop ustasiga qarshi jang qiladigan bo'ldi. 

12:14. Jasurbek Latipov yarim finalda qirg'izistonlik raqibini 4:1 hisobida mag'lub etdi va finalga yo'l oldi. 

12:09. Latipov faollik bilan jang olib bormoqda.

12:02. Jasurbek Latipovning qirg'izistonlik raqibga qarshi jangi boshlandi.

11:51. Birozdan so'ng bokschilarimiz yarim finallardagi ishtiroklarini boshlashadi. 

10:02. To'rt nafar sportchimiz bugun bronza medali uchun o'tkaziladigan jangda ishtirok etadi:

-90kg: SHahzodbek Sobirov - Mashu Baker (Yaponiya)

-100kg: SHerali Jo'raev - Ivan Remarenko (BAA)

+100kg: Bekmurod Oltiboev - Javod Mahjud (Eron)

+78kg: Nodira Yuldasheva - Ikumi Oeda (Tailand). Bahslar Toshkent vaqti bilan soat 12:00dan so'ng boshlanadi. 

09:40. Nodira Yuldasheva ham yarim finalda yutqazib qo'ydi.

09:29. SHahzod Sobirov, SHerali Jo'raev va Bekmurod Oltiboev o'tish jangida g'alaba qozonishdi va bronza medali uchun bahsda tatamiga chiqish imkoniyatiga ega bo'lishdi. 

09:02. Dzyudochilarimiz chorak finalda mag'lub bo'lishdi. Birgina Nodira Yuldasheva qozog'istonlik raqibidan ustun keldi va yarim finalga yo'l oldi. 

08:12. Bokschilarimiz ishtirokidagi janglarning boshlanish vaqtlari:

-52kg: Jasurbek Latipov (12:00)
-60kg: SHunqor Abdurasulov (12:30)
-69kg: Bobousmon Baturov (13:15)
-49kg: Hasanboy Do'smatov (16:00)
-56kg: Miraziz Mirzahalilov (16:45)
-64kg: Iqboljon Xoldarov (17:00)
-75kg: Isroil Madrimov (17:45)

08:00. Dzyudochilarimizdan ketma-ket g'alabalar. SHahzodbek Osbirov, Rinata Ilmatova va SHerali Jo'raev ilk janglarida g'alaba qozonib, chorak finalga yo'l olishdi. Bekmurod Oltiboev esa musobaqadagi ishtirokini chorak finaldan boshlaydi. Nodira Yuldasheva ham birinchi jangini chorak final doirasida o'tkazadi.

07:22. Yana bir eshkak eshuvchimiz Olga Umaralieva 200 metr (K1) masofaga bo'lgan bahslarda qatnashdi va o'z guruhida uchinchi bo'ldi. Bu orqali u to'g'ridan-to'g'ri finalda qatnashish huquqini qo'lga kiritdi. 

07:15. Eshkak eshish bahslarida 200 metr masofada (S1) startga chiqqan Dilnoza Rahmatova o'z guruhida birinchi bo'ldi va finalga yo'l oldi.

Bugun musobaqalarda ishtirok etadigan sportchilarimiz ro'yxati:

Sambo

(saralash va final)

-52kg: Ahmad Raxmatilloev
-52kg: Islom Ahmedjanov
-48kg: Nodira Gulova
-48kg: Madina Turg'unboeva

Dzyudo

(saralash va final)

-78kg: Nodira Yuldasheva
+78kg: Rinata Ilmatova

-90kg: SHahzodbek Sobirov
-100kg: SHerali Jo'raev
+100kg: Bekmurod Oltiboev

Boks

(yarim finallar)

-52kg: Jasurbek Latipov
-60kg: SHunqor Abdurasulov
-69kg: Bobousmon Baturov
-49kg: Hasanboy Do'smatov
-56kg: Miraziz Mirzahalilov
-64kg: Iqboljon Xoldarov
-75kg: Isroil Madrimov

Velosport trek

(Madison, final)

Andrey Izmaylov
Murod Xolmurodov

Baydarka va kanoeda eshkak eshish

Artur Guliev, Elyorjon Mamadaliev (ikkitalik S2, 200 m, saralash)

Olga Umaralieva (yakkalik K1, 200 m, saralash)

Dilnoza Rahmatova (yakkalik S1, 200 m, saralash)

Suvga sakrash

Doston Botirov (3 metr, saralash va final)

Triatlon

Alina Hakimova (yakkalik, final)