Osiyo o'yinlari-2018. Beshinchi kundan so'ng 19ta medal bilan 9-o'rindamiz!

Kecha musobaqaning beshinchi kungi bahslarida O'zbekiston terma jamoasi azolari 1ta oltin, 2ta kumush, 1ta bronza medalini qo'lga kiritishdi.

O'zbekistonlik sportchilar tomonidan kecha qo'lga kiritilgan medallar:

Oltin: 1ta (SHahboz Abdujabborov, SHahboz Xolmurzaev, akademik eshkak eshish, juftlik)

Kumush: 2ta (Madina Mannopova (taekvondo), Oksana CHusovitina (sport gimnastikasi).

Bronza: 1ta (I.Mambetnazarov, SH.Najmiev, SH.Xakimov, Z.Usmonov, akademik eshkak eshish, to'rtlik)

Bugungi bahslar oldidan terma jamoamiz medallar jamg'arish bo'yicha jami 19ta medal bilan jadvalda 9-o'rinni egallab turibdi. Jamoamiz hisobida 4ta oltin, 8ta kumush, 7ta bronza, jami 19ta medal bor. 

Qozog'iston terma jamoasi 2ta oltin, 6ta kumush, 18ta bronza, jami 26ta medalga ega bo'lib turibdi. Yon qo'shnilarimiz umumjamoa hisobida 12-pog'onadan joy olishgan. 

SHu kungacha jami 116ta medalni qo'lga kiritib ulgurgan Xitoy terma jamoasi katta farq bilan medallar jamg'arish bo'yicha birinchi o'rinni egallab turibdi. CHin yurti vakillari 55ta oltin, 40ta kumush, 21ta bronza medali bilan taqdirlanishgan. 

Kuchli uchlikda Yaponiya va Janubiy Koreya terma jamoalari joylashishgan. Yigirma oltita davlat sportchilariga kamida bitta medal olish nasib qilgan. Yigirmata mamlakat terma jamoalari hisobida esa kamida bir nafar Osiyo o'yinlari-2018 chempioni bor.