Osiyo o'yinlari-2018. Do'smatovning vaznida qozog'istonlik mashhur bokschi yutqazdi

Hozirgina yakuniga etgan chorak final jangida Hasanboyning asosiy raqibi sifatida qaralayotgan Temirtac Jusupov kutilmaganda mag'lubiyatga uchradi. Qozog'istonlik bokschi yarim final ostonasida filippinlik Karlo Palaamga 1:4 hisobida imkoniyatni boy berdi. 

Birgina eronlik hakam Jussupovning 29:28 hisobidagi g'alabasini taminlagan. Qolgan to'rt nafar hakam 30:27, 29:28, 30:27, 30:27 hisobidagi kattagina ustunlikni filippinlik bokschiga bergan. Jusupovga qadar Qayrat Eraliev (56 kg), Azat Maxmetov (52 kg) va Samatali Toltaev (60 kg) ham o'z ishtiroklarini muddatidan avval yakunlashgan edi.