Osiyo o'yinlari-2018. Hozircha 10-o'rindamiz, Xitoyning medallari 153taga etdi! (to'liq jadval)

Kecha musobaqaning ettinchi kungi bahslarida O'zbekiston terma jamoasi delegaciyasi g'aznasi 1ta oltin medali bilan boyidi. Tennischimiz Denis Istomin yakkalik bahslarida oltin medalni qo'lga kiritdi. 

Bugungi bahslar oldidan terma jamoamiz medallar jamg'arish bo'yicha jami 22ta medal bilan jadvalda 10-o'rinni egallab turibdi. Jamoamiz hisobida 5ta oltin, 10ta kumush, 7ta bronza, jami 22ta medal bor. 

Qozog'iston terma jamoasi 4ta oltin, 7ta kumush, 27ta bronza, jami 38ta medalga ega bo'lib turibdi. Yon qo'shnilarimiz umumjamoa hisobida 11-pog'onadan joy olishgan. 

SHu kungacha jami 153ta medalni qo'lga kiritib ulgurgan Xitoy terma jamoasi katta farq bilan medallar jamg'arish bo'yicha birinchi o'rinni egallab turibdi. CHin yurti vakillari 72ta oltin, 51ta kumush, 30ta bronza medali bilan taqdirlanishgan. 

Kuchli uchlikda Yaponiya va Janubiy Koreya terma jamoalari joylashishgan. O'ttiz uchta davlat sportchilariga kamida bitta medal olish nasib qilgan. Yigirma beshta mamlakat terma jamoalari hisobida esa kamida bir nafar Osiyo o'yinlari-2018 chempioni bor.