Osiyo o'yinlari-2018. Medal jamg'arish bo'yicha 11-o'rindamiz, hozircha!

Bugun musobaqaning o'ninchi kungi bahslari davom etmoqda va ayni paytga kelib medal jamg'arish bo'yicha O'zbekiston terma jamoasi jami 31ta medal bilan umumjamoa hisobida 11-o'rinni egallab turibdi. Hisobimizda 6ta oltin, 13ta kumush, 12ta bronza medali bor.

Qozog'iston terma jamoasi 7ta oltin, 8ta kumush, 29ta bronza, jami 44ta medalga ega bo'lib turibdi. Yon qo'shnilarimiz umumjamoa hisobida 10-pog'onadan joy olishgan. 

SHu soniyalarga qadar jami 193ta medalni qo'lga kiritib ulgurgan Xitoy terma jamoasi katta farq bilan medallar jamg'arish bo'yicha birinchi o'rinni egallab turibdi. CHin yurti vakillari 88ta oltin, 62ta kumush, 43ta bronza medali bilan taqdirlanishgan. 

Kuchli uchlikda Yaponiya va Janubiy Koreya terma jamoalari joylashishgan. O'ttiz oltita davlat sportchilariga kamida bitta medal olish nasib qilgan. Yigirma sakkizta mamlakat terma jamoalari hisobida esa kamida bir nafar Osiyo o'yinlari-2018 chempioni bor.