Osiyo o'yinlari-2018. Medallarimiz 28taga etdi, hamon 10-o'rindamiz! (to'liq jadval)

Kecha musobaqaning sakkizinchi kungi bahslarida O'zbekiston terma jamoasi delegaciyasi g'aznasi 6ta medalga boyidi. Og'ir atletikachimiz Ruslan Nuriddinov terma jamoamizga oltinchi medalni taqdim etdi. 

Musobaqaning 8-kuni g'olib va sovrindor bo'lgan sportchilarimiz:

Oltin: 

Ruslan Nuriddinov (og'ir atletika)

Kumush: 

Omadoy Otaqo'zieva (og'ir atletika)

Bronza:

Abdumalik Salimov (penchak silat)

Sadriddin Saymatov (karate)

Barno Mirzaeva (karate)

Suhrob Xodjaev (engil atletika).

Bugungi bahslar oldidan terma jamoamiz medallar jamg'arish bo'yicha jami 28ta medal bilan jadvalda 10-o'rinni egallab turibdi. Jamoamiz hisobida 6ta oltin, 11ta kumush, 11ta bronza, jami 28ta medal bor. 

Qozog'iston terma jamoasi 5ta oltin, 8ta kumush, 28ta bronza, jami 41ta medalga ega bo'lib turibdi. Yon qo'shnilarimiz umumjamoa hisobida 11-pog'onadan joy olishgan. 

SHu kungacha jami 175ta medalni qo'lga kiritib ulgurgan Xitoy terma jamoasi katta farq bilan medallar jamg'arish bo'yicha birinchi o'rinni egallab turibdi. CHin yurti vakillari 78ta oltin, 59ta kumush, 38ta bronza medali bilan taqdirlanishgan. 

Kuchli uchlikda Yaponiya va Janubiy Koreya terma jamoalari joylashishgan. O'ttiz beshta davlat sportchilariga kamida bitta medal olish nasib qilgan. Yigirma sakkizta mamlakat terma jamoalari hisobida esa kamida bir nafar Osiyo o'yinlari-2018 chempioni bor.