20 avg 20:06
Yangiliklar

Tennis, Osiyo o'yinlari

Osiyo o'yinlari-2018. Nigina va Oqgul juftlikda yutqazib qo'yishdi

Indoneziyaning Jakarta va Palembang shaharlarida o'tkazilayotgan 18-Osiyo o'yinlarining yana bir kuni o'z yakuni sari yaqinlashmoqda.

Qita o'yinlarining tennis musobaqasida 8 nafar tennischimiz ishtirok etyapti. Hozirgina ayollar o'rtasidagi juftlik bahslarida qatnashayotgan hamyurtlarimizdan Nigina Abduraimova va Oqgul Omonmurodova o'z uchrashuvlarini o'tkazishdi.

Nigina va Oqgul koreyalik tennischilar - Sora Li hamda Seo Kyung Kangs hamkorligiga qarshi kortga chiqishdi. Birinchi set tay-brekda 6:7(5) hisobida koreyaliklar foydasiga hal bo'ldi. Ikkinchi setda Oqgul va Nigina muvozanatni tiklashdi - 7:5. Hal qiluvchi super tay-brekda esa 10:8 hisobida koreyalik tennischilarning qo'li baland keldi.