Osiyo o'yinlari-2018. SHaripova ikkita match-boldan foydalana olmay mag'lub bo'ldi+FOTO

Jakabari Sport Markazi tennis kortlarida o'tayotgan bahslarda bugun o'zbekistonlik tennischilar ishtirokidagi to'rtta uchrashuv bo'lib o'tmoqda. 

Afsuski, mamlakatimizning birinchi raketkasi Sabina SHaripova ikkinchi davra uchrashuvida alamli mag'lubiyat alamini totib ko'rdi. Tennischimiz ikki bor match-bol, yani uchrashuvni yakunlash imkoniyatiga ega bo'la turib, bundan unumli foydalana olmadi. 

Birinchi set 7:5 hisobida gonkonglik Jang Li foydasiga hal bo'ldi. Ikkinchi setni 0:3 hisobida boy berayotgan Sabina o'zini qo'lga ola bildi va setlar bo'yicha muvozanatni tikladi - 6:3. Hal qiluvchi uchinchi setda esa SHaripova ikki bor g'alabani qo'ldan chiqardi. 4:2 va 5:3 hisoblarida oldinda borishiga qaramay, yakunda mag'lubiyatga uchradi - 5:7. 

Kamoliddin Alimov. Suratlar muallifi - Abdullo Fayzullaev (Palembang, Jakarta)