22 avg 09:47
Yangiliklar

Eshkak eshish, Osiyo o'yinlari

Osiyo o'yinlari-2018. To'rt kishilik eshkak eshuvchilarimiz 2-o'rin bilan finalga chiqishdi

Xabar berganimizdek, Palembang shahrida Osiyo o'yinlari dasturidan o'rin olgan akademik eshkak eshish bo'yicha musobaqa davom etmoqda.

Hozirgina to'rt kishilik qayiqda o'tkazilgan yarim final saralash bosqichi yakunlandi. O'ktamjon Davronov, Farrux Astanov, Abdullo Muhammadiev va SHahboz Abdujabborovdan iborat terma jamoamiz 2000 metr masofani ikkinchi o'rinda bosib o'tishdi.

Sportchilarimiz belgilangan masofani bosib o'tish uchun 6 daqiqa 29.01 soniya vaqt sarflashdi. Indoneziya terma jamoasi 6:25.95 vaqt natijasi bilan saralashni birinchi o'rinda yakunlashdi. A finalida Indoneziya, O'zbekiston, Janubiy Koreya va Tailand terma jamoalari startga chiqishadi.