Osiyo o'yinlari-2018. To'rt kishilik eshkak eshuvchilarimiz eng yaxshi natija bilan finalga chiqishdi+FOTO

Bugun yakkalik, ikki va to'rt kishidan iborat eshkak eshuvchilarimiz yarim final bahsida startga chiqishdi. Jasurbek Mavlonov yakka qayiqda umumiy beshinchi natija bilan B finalida ishtirok etadigan bo'ldi. 

SHahboz Xolmurzaev va SHahboz Abdujabborovdan iborat ikki kishilik duet 2000 metr masofani 7 daqiqa 05.19 soniyada bosib o'tdi. Bu yarim finalda qatnashgan ekipajlar orasidagi ikkinchi natija bo'ldi va hamyurtlarimiz finalga yo'l olishdi. 

Zafar Usmonov, Islom Mambetnazarov, SHehroz Hakimov va Otamurod Rahimovdan iborat to'rt kishilik qayig'imiz esa marraga birinchi bo'lib etib keldi. Ular 2000 metr masofani 6 daqiqa 48.12 soniyada bosib o'tishdi. Ikkinchi o'rinni hindistonlik eshkak eshuvchilar egallashdi. 

Kamoliddin Alimov. Suratlar muallifi - Abdullo Fayzullaev (Palembang, Indoneziya)