Osiyo o'yinlari-2018. Uchta medal bilan 8-o'rindamiz, hozircha!

Kechagi kun bahslaridan so'ng O'zbekiston terma jamoasi medallar jamg'arish bo'yicha jadvalda 8-o'rinni egallab turibdi. Erkin kurashchilarimiz terma jamoamiz hisobiga 1ta oltin, 2ta bronza medalini qo'shib qo'yishdi.

Xabar berganimizdek, -74 kg vazn toifasidagi polvonimiz Bekzod Abdurahmonov barcha raqiblarini mag'lubiyatga uchratib, Osiyo o'yinlari chempioni bo'ldi. -97 kg vazn toifasidagi Magomed Ibragimov hamda -65 kg vazndagi vakilimiz Sirojiddin Hasanov bronza medalini qo'lga kiritdi. 

Jami 16ta medalni qo'lga kiritib ulgurgan Xitoy terma jamoasi kutilganidek medallar jamg'arish bo'yicha birinchi o'rinni egallab turibdi. CHin yurti vakillari 7ta oltin, 5ta kumush, 4ta bronza medali bilan taqdirlanishgan. 

O'n bitta davlat sportchilariga kamida bitta oltin medal olish nasib qildi. Yon qo'shnilarimiz qozog'istonlik sportchilar 1ta oltin, 1ta kumush, 2ta bronza medali bilan 5-pog'onadan joy olishgan. Qirg'iziston terma jamoasi 1ta kumush medalga sazovor bo'lgan.