Osiyo o'yinlari. Asosiy sport delegaciyamiz Jakartaga etib keldi

Bundan bir necha daqiqa avval Osiyo Olimpiadasida ishtirok etuvchi sportchilarimizning asosiy delegaciyasi Jakarta shahriga etib keldi. Islom Karimov nomli Toshkent xalqaro aeroportida tashkil etilgan tantanali kuzatish marosimida hukumat vakillari, sport mutasaddilari hamda OAV xodimlari hozir bo'lishdi. 

Delegaciya tarkibidan taekvondo, erkin va yunon-rum kurashi, sport gimnastikasi, boks (charm qo'lqop ustalarimizning uch nafari - Hasanboy Do'smatov, Jasurbek Latipov hamda bayroqdorimiz Isroil Madrimov 16 avgust kuni Indoneziyaga etib kelishgandi, - muallif) kabi sport turi vakillari joy olishgan. 

Jakarta xalqaro aeroportida O'zbekiston sport delegaciyasini elchixona rasmiylari, MOQ vakillari, Indoneziyada yashayotgan hamyurtlarimiz hamda OAV xodimlari kutib olishdi. Qolgan sportchilarimiz musobaqalarning boshlanish vaqtiga qarab Jakarta va Palembang shaharlariga etib kelishadi.