Osiyo o'yinlari g'oliblariga qancha pul mukofoti vada qilinmoqda?

Malumki, Olimpiada, Osiyo o'yinlari kabi nufuzli musobaqalar oldidan g'olib va sovrindorlar safidan o'rin olgan sportchilarga davlat tomonidan pul mukofotlari elon qilinadi. Ko'pchilikni 18-Osiyo o'yinlari uchun ham vada qilingan pul mukofoti qiziqtirishi tabiiy.

Aynan shu savol bilan sportchilarimizni Osiyo o'yinlariga rasmiy kuzatish marosimida murojaat qilganimizda tez orada hukumatning bu boradagi tegishli hujjati elon qilinadi, degan javobni olgandik. Lekin hozircha hech bir rasmiy manbada bu haqdagi xabar elon qilinmadi. 

Bizdagi malumotlarga ko'ra, Osiyo o'yinlari-2018 g'oliblariga, yani oltin medal sohiblariga 15 000 AQSH dollari miqdoridagi pul mukofoti topshiriladi. Yana oylik 5 million so'mlik stipendiya ham joriy qilinadi. Kumush va bronza medali egalariga beriladigan mukofot pullari bo'yicha hozircha malumotga ega emasmiz. 

Eslatib o'tamiz, Qozog'iston hukumati Osiyo o'yinlari g'oliblariga 10 000 AQSH dollari miqdorida pul mukofoti berilishini elon qilgandi. Kumush medal egalari 5000, bronza medal sohiblari esa 3000 dollarga ega bo'lishadi.

Kamoliddin Alimov (Palembang, Indoneziya)