Osiyo o'yinlari. Musobaqaning ettinchi kunida bitta oltin medalga ega chiqdik!

O'zbekistonlik sportchilarimizning ishtirokiga oid tezkor xabarlarni ushbu sahifa orqali kuzatib borishingiz mumkin bo'ldi.

Bugun tennischimiz Denis Istomin OLTIN medal sohibiga aylandi.

19:30. 10000 metrga yugurish bahslarida ishtirok etgan engil atletikachimiz Sitora Hamidova 33:08.93 natija bilan marraga etib bordi va sakkizinchi o'rindan joy oldi.

18:18. Engil atletika. Nigina SHaripova 100 metrga yugurish bahslarida 11.59 natija bilan keyingi bosqich yo'llanmasini qo'lga kiritdi. Ertaga yarim final va final musobaqalari bo'lib o'tadi

15:10. Jiu-jitsu. Ilhom Jo'raev bronza medali uchun jangga chiqdi. Qozog'istonlik Rizan Maxachevga qarshi bo'lgan bahsda hamyurtimiz 4:4 hisobidagi durangni qayd etgandi. Ammo, faollik evaziga g'alaba raqibga berildi.

14:02. Karate. Aybibi Ahmedova ilk jangida eronlik Hamideh Abbasaliga 0:7 hisobida yutqazib qo'ydi.

13:14. Birozdan so'ng karatechimiz Aybibi Ahmedova jang qiladi.


12:59. Jiu-jitsu. -94kg vazn toifasida yurtimiz sharafini himoya qilayotgan Ilhom Jo'raev yarim finalda mag'lub bo'ldi. Endi u bronza medali uchun qozog'istonlik Rizat Maxashevga qarshi jang qiladi.

12:23. Tennischimiz Denis Istomin finalda xitoylik Yibing Vuni 2:6, 6:2, 7:6 hisoblarida mag'lub etdi va OSIYO O'YINLARINING OLTIN MEDALINI QO'LGA KIRITDI!

11:10. Denis Istomin final o'yinini o'tkazmoqda. Birinchi setdan so'ng u 

10:58. Engil atletika. Balandlikka sakrashning saralash bahslarida ishtirok etgan hamyurtimiz Dmitriy Melsitov 2,15m natija ko'rsatdi va finalga yo'l oldi. Medallar uchun bahsi 27 avgust kuni bo'lib o'tadi.

10:42. Tennischimiz Denis Istomin final o'yinini boshladi. Bahsda hamyurtimizga xitoylik Yibing Vu raqiblik qilmoqda.

10:28. Jiu-jitsu. Ilhom Jo'raev chorak finalda quvaytlik Emad Alsumaidni 3:0 hisobida mag'lub etdi va yarim finalga yo'l oldi. 

09:42. Jiu-jitsuchimiz Jahongir Mirahmedov nimchorak finalda BAA vakili Sakl Almarzuiga 0:100 hisobida mag'lub bo'ldi. 

09:12. Dmitriy Melsitov ikkinchi urinishdan so'ng 2.10m natija bilan uchinchi o'rinda ketmoqda.

08:54. Jiu-jitsu. O'z ishtirokini Falastin sportchisiga qarshi boshlashi ko'zda tutilgan Ilhom Jo'raev avtomatik ravishda chorak finalga yo'l oldi.

08:40. Engil atletikachimiz Dmitriy Melsitov balandlikka sakrashnnig saralash bosqichidagi ishtirokini boshladi.

07:57. O'zbekistonning birinchi raketkasi Denis Istomin ishtirokidagi o'yin Toshkent vaqti bilan soat 10:00dan so'ng boshlanadi. 

06:37. Engil atletikaning marafon yo'nalishida ishtirok etgan Andrey Petrov marraga to'qqizinchi bo'lib etib bordi. Hamyurtimiz 2:26:52 natija ko'rsatdi. U birinchi o'rinni qo'lga kiritgan yaponiyalik Xiroto Inouedan 8,30 daqiqa ortda qoldi.

Bugun Osiyo o'yinlarining ettinchi kunida quyidagi sportchilarimiz yurtimiz sharafini himoya qiladilar:

Engil atletika:

Andrey Petrov (marafon)

Nigina SHaripova (100m yugurish, 1 bosqich)

Dmitriy Melsitov (balandlikka sakrash, saralash,

Sitora Hamidova (10000 yugurish, final)


Karate:

-68kg: Aybibi Ahmedova


Jiu-jitsu:

-62kg: Jahongir Mirahmedov
-62kg: Rahimjon Subxonov
-94kg: Ilhom Jo'raev


Golf:

Jamoaviy, 3-bosqich:

Kanatbek Kurbanaliev
Sergey CHen
Roman Ten
Evgeniy Li


Tennis:

Final

Denis Istomin - Yibing Vu (Xitoy)