Osiyo o'yinlari. O'n birinchi kunda 4 ta medalga ega chiqdik, ularning ikkitasi oltin

Kun yakuniga ko'ra, O'zbekiston terma jamoasi azolari 2 ta oltin, 1 ta kumush va 1 ta bronza medalini qo'lga kiritdi. 

Oltin:

Jalgasbay Berdimuratov (Sport kurashlari)

SHarifa Davronova (Engil atletika)

Kumush:

Muhammadqodir Toshtemirov (Og'ir atletika)

Bronza:

To'rabek Habibullaev (Boks).

- - - - - 

Ushbu sahifa orqali kun doirasida ishtirok etayotgan sportchilarimizning natijalaridan onlayn ravishda boxabar bo'lib borishingiz mumkin bo'ldi.

SAHIFANI YANGILASH

18:50. Futbolchilarimiz Koreya Respublikasiga 1:2 hisobida yutqazishdi. Endi vakillarimiz bronza medali uchun maydonga tushishadi.

17:49. Suvga sakrash. Afsuski Igor Myalin 10 metrli platformadan sakrash bahslarida 6-o'rinni egalladi va medal qo'lga kirita olmadi. 

17:45. SHaxmatchi qizlarimiz Hindistonga 0:4 hisobida yutqazib qo'yishdi. 

17:41. Futbol. Afsuski futbolchilarimiz 38-daqiqada Koreyadan ikkinchi golni o'tkazib yuborishmoqda. Hozircha 1:2. Yutqazyapmiz.

17:39. Og'ir atletikachimiz Muhammadqodir Toshtemirovdan kumush medal! U dast ko'tarishda 159, siltab ko'tarishda 192, umumiy hisobda 351 kg natija ko'rsatdi va kumush medalni qo'lga kiritdi!

17:28. Bu vaqtga qelib futbol bo'yicha terma jamoamiz Koreya Respublikasi bilan 1:1 hisobida durang qayd etmoqda. Jasur Jaloliddinov jarimadan ajoyib gol bilan hisobni tenglashtirdi!

17:18. OLTINNNN!!! Engil atletikachimiz SHarifa Davronova uchxatlab sakrash bahslarida 14.09 natija ko'rsatdi va oltin medalni qo'lga kiritdi! 17 yoshli SHarifa mazkur Osiyo o'yinlarida faoliyatidagi eng yaxshi natijasini qayd etdi! BALLI!

17:00. Og'ir atletika. Muhammadqodir Toshtemirov  dast ko'tarishda 159 kg natija ko'rsatdi. U hozircha ikkinchi o'rinda. Oldinda siltab ko'tarish bahslari bor. 

16:50. SHaxmat. O'zbekiston erkaklar terma jamoasi Mo'g'ulistonni 3:1 hisobida mag'lub etdi. Javohir Sindarov va SHamsiddin Vohidov g'alaba qozondi, Nodirbek Abdusattorov va Nodirbek Yakubboev durang qayd etdi.

16:44. Boks. Abdumalik Xalokov yarim finalda xitoylik raqibini 5:0 hisobida mag'lub etdi va finalga yo'l oldi! Ushbu g'alaba orqali u Parij Olimpiadasi licenziyasini ham qo'lga kiritdi!

16:41. OLTINNN!!! Yunon-rum kurashchimiz Jalgasbay Berdimuratov finalda eronlik raqibini 7:4 hisobida mag'lub etdi va oltin medalni qo'lga kiritdi!

16:10. SHarifa Davronova uch xatlab sakrashdagi ishtirokini boshlamoqda. 

16:05. Jalgasbay Berdimuratov ishtirokidagi finalga oz qolmoqda.

16:00. Og'ir atletika. Muhammadqodir Toshtemirov o'z ishtirokini boshlamoqda. 

15:00. Mahmud Bahshilloev bronza medali uchun bahsda Qirg'iziston vakiliga imkoniyatni boy berdi va medalsiz qoldi. 

14:12. Islomjon Bahromov bronza medali uchun kechgan bahsda koreyalik raqibga 4:5 hisobida imkoniyatni boy berdi va 5-o'rin bilan kifoyalandi.

14:00. Sport kurashlarida medallar uchun bahslar boshlandi. 

12:15. Bokschimiz To'rabek Xabibullaev yarim finalda xitoylik kuchli raqibga imkoniyatni boy berib qo'ydi va Osiyo o'yinlarining bronza medalini qo'lga kiritdi.

12:00. Hasanboy Do'smatov yarim finalda yaponiyalik raqibini 4:1 hisobida mag'lubiyatga uchratdi va finalga yo'l oldi! Ushbu g'alaba orqali Hasanboy Parij Olimpiadasi licenziyasini ham qo'lga kiritdi!

— Igor Myalin ishtirokidagi final bellashuvi Toshkent vaqti bilan 16:30 da boshlanadi.

11:30. CHim ustida xokkey. O'zbekiston terma jamoasi 9-o'rin uchun kechgan bahsda Indoneziyaga 1:4 hisobida mag'lub bo'ldi va musobaqani 10-o'rinda yakunladi.

11:26. Igor Myalin 10 metrga suvga sakrash bahslarida saralash bosqichida ishtirok etib, 341.30 ochko jamg'arib, finalga yo'l oldi. 

10:55. SHaxmat. 6-tur uchrashuvlari boshlanishiga oz qolmoqda. Bu turda erkaklar terma jamoamiz Mo'g'uliston, qizlarimiz esa Hindistonga qarshi bahs olib boradilar.

10:46. Veloshosse. Sportchilarimiz bugungi ishtirokini yakunladi. 141 kmga kechgan bahsda Olga Zabelinskaya 3:36:08 vaqt bilan to'qqizinchi, Yanina Kuskova esa 3:36:10 vaqt bilan o'n to'rtinchi bo'ldi. 

10:25. Ot sporti. Konkurchilarimiz tonggi dasturda individual hamda jamoaviy yo'nalishda ishtirok etishgan edi. Ahamiyatlisi, Bekzod Qurbonov, Xurshidbek Alimjonov, Umidjon Komilov, Bahromjon Gazievdan iborat terma jamoamiz individual bahslarda 2-saralash bosqichiga, jamoaviy bahslarda final bosqichiga yo'l oldi. Ularning keyingi chiqishi 11:00 da boshlanadi.

— Toshkent vaqti bilan 14:00 da yunon rum kurashi bo'yicha bronza va final bellashuvlari start oldi. Unda uch nafar hamyurtimiz gilamga chiqadi:

Bronza, 60 kg. Islomjon Bahromov - CHung Hanjae (Koreya Respublikasi)

Bronza, 67 kg. Mahmud Baxshilloev - Razzak Beisheekev (Qirg'iziston)

Final, 87 kg. Jalgasbay Berdimuratov - Nasir Alizade (Eron) 

9:58. Dilshod Omongeldiev o'tish bosqichida koreyalik Kim Hyonvo bilan jang qildi va 3:6 hisobida mag'lub bo'ldi.

9:30. Islomjon Bahromov (60 kg) yarim final doirasida qirg'izistonlik Jolaman SHarshenbekov bilan jang qildi va 0:11 hisobida mag'lub bo'ldi.

9:25. Jalgasbay Berdimuratov finalda! Hamyurtimiz yarim final bosqichida yaponiyalik Sumi Masatoni 3:1 hisobida taslim etdi.

9:13. Mahmud Baxshilloev yarim final bosqichida yaponiyalik Endo Katsuakiga qarshi gilamga chiqib, 1:6 hisobida mag'lub bo'ldi.

8:39. Dilshod Omongeldiev chorak finalda eronlik Amin Kaviyaninejaga 3:5 hisobida imkoniyatni boy berib qo'ydi. Endilikda hamyurtimiz o'tish bosqichida ishtirok etadi.

8:35. Islomjon Bahromov chorak finalda xitoylik Liguo Saoni 3:1 hisobida mag'lub etdi va yarim final masalasini hal qildi.

8:31. Mahmud Baxshilloev turkmanistonlik, Jalgasbay Berdimuratov esa qozog'istonlik raqibini mag'lub etib, yarim finalga yo'l oldi.

7:42. Islomjon Bahromov (60 kg) ham ilk jangini o'tkazdi. Hamyurtimiz vetnamlik Tien Hay Buyga qarshi kechgan jangda 8:0 hisobida g'alaba qozondi va chorak finalga yo'l oldi.

7:19. Yunon-rum kurashchimiz Mahmud Baxshilloev (67 kg) nimchorak final bosqichida hindistonlik Niraj bilan jang qildi va 5:3 hisobida g'alaba qozonib, chorak finalga yo'l oldi.

7:07. Veloshosse. Yanina Kuskova hamda Olga Zabelinskaya o'z ishtirokini boshladi.

7:00. Ayni damda ot sportining konkur yo'nalishida vakillarimiz o'z chiqishini davom ettirmoqda.

Assalomu alaykum hurmatli sport ishqibozlari. O'zbekistonlik sportchilarning ishtirokiga oid onlayn matnli translyaciyamizni boshlaymiz.

- - - - - -

4 oktyabr kuni Osiyo o'yinlarida ishtirok etuvchi o'zbekistonlik sportchilar ro'yxati:

6:00. - Ot sporti. Individual, 1-raund. Bekzod Qurbonov, Xurshidbek Alimjonov, Umidjon Komilov, Bahromjon Gaziev

6:00 dan so'ng. - Ot sporti. Jamoaviy, 1-raund. O'zbekiston (Bekzod Qurbonov, Xurshidbek Alimjonov, Umidjon Komilov, Bahromjon Gaziev)

7:00. - Veloshosse. Ayollar, final. Yanina Kuskova, Olga Zabelinskaya

7:00. - Yunon-rum kurashi. 60 kg, nimchorak final. Islomjon Bahromov - Tien Hay Buy (Vetnam)

7:00. - Yunon-rum kurashi. 67 kg, nimchorak final. Mahmud Baxshilloev - N. Niraj (Hindiston)

7:00. - Yunon-rum kurashi. 77 kg, chorak final. Dilshod Omongeldiev - H. Kim (Koreya)/A. Kaviyanineja (Eron) bahsi g'olibiga qarshi

7:00. - Yunon-rum kurashi. 87 kg, chorak final. Jalgasbay Berdimuratov - Hieu Din (Vetnam)/M. Saylau (Qozog'iston) bahsi g'olibiga qarshi

9:45. - CHim ustida xokkey. Erkaklar, 9-10-o'rin uchun. O'zbekiston - Indoneziya

10:00. - Suvga sakrash. Erkaklar, saralash. Igor Myalin

11:45. - Boks. Erkaklar, -51 kg, yarim final. Hasanboy Do'smatov - Tomoya Cuboi (Yaponiya)

12:00. - SHaxmat. Erkaklar, jamoaviy, 6-tur

12:00. - SHaxmat. Ayollar, jamoaviy, 6-tur

12:00. - Boks. Erkaklar, -80 kg, yarim final. To'rabek Habibullaev - Tanglaytan To'xtarbay (Xitoy)

16:00. - Og'ir atletika. Erkaklar, 81 kg. Muhammadqodir Toshtemirov

16:10. - Engil atletika. Ayollar, uzunlikka sakrash. SHarifa Davronova

16:30. - Boks. Erkaklar, -57 kg, yarim final. Abdumalik Xalokov - Ping Lyu (Xitoy)

17:00. - Futbol. Erkaklar, yarim final. O'zbekiston - Janubiy Koreya.