Osiyo o'yinlari. Osiyo o'yinlarining oltinchi kunida ikkita kumush

Musobaqaning oltinchi kunida ikkita kumush medal qo'lga kiritdik:

Akademik eshkak eshish, sakkizlik: (Alisher Yarov, Dostonjon Baxriev, Islam Mambetnazarov, Dostonjon Xursanov, SHohjahon Najmiev, Otamurod Rahimov, SHehroz Hakimov, Zafar Usmonov hamda Anatoliy Krasnov)

Velosport: Murod Xolmurodov

18:05. Anton Fokin o'z chiqishida muvaffaqiyatsizlikka uchradi va medal qo'lga kirita olmadi.

17:34. Boks. Bobousmon Baturov mo'g'ulistonlik Byanba Erdeneni mag'lub etdi va keyingi bosqichga yo'l oldi.

17:14. Tennischimiz Denis Istomin yarim finalda hindistonlik raqibini 6:2, 6:2 hisoblarida mag'lubiyatga uchratdi va finalga yo'l oldi.

17:42. Og'ir atletika. Sunnatillo O'sarov dast ko'tarishda 158kg, siltab ko'tarishda esa 182kg natija qayd etdi. Umumiy hisobda 340kg natija ko'rsatgan hamyurtimiz oltinchi natijani qayd etdi.

17:10. Suzish. Vladislav Mustafin finalda startga chiqdi va marraga beshinchi bo'lib etib bordi.

15:45. Og'ir atletikachimiz Sunnatillo O'sarov dast ko'tarishda 158kg natija ko'rsatdi.

15:27. Sport gimnastikasi. Rasuljon Abdurahmonov o'z ishtirokini boshlamoqda.

14:22. Penchak Silat. Munisa Rabbimova ilk jangida vetnamlik Tem Tranga 0:5 hisobida yutqazib qo'ydi.

14:03. Bokschimiz Yodgoroy Mirzaeva ilk jangida Xitoy Taypeyi vakiliga yutqazib qo'ydi va musobaqadagi ishtirokini yakunladi. 

13:55. Velosportchimiz Murod Xolmurodov 40 km masofaga shosse bahslarida ikkinchi natijani qayd etdi va KUMUSH medalni qo'lga kiritdi. 

11:02. Jiu-jitsu bahslarida ishtirok etayotgan hamyurtlarimizning barchasi mag'lub bo'ldi. Faqatgina -56 kg vazn toifasida bahslarda qatnashayotgan Akmal Amirov bronza medali uchun kurashish imkoniyatini saqlab qoldi. 

09:43. Yana bir jiu-jitsuchimiz Akmal Amirov esa tailandlik Suvijak Kuntongdan 13:4 hisobida ustun keldi va chorak finalga yo'l oldi. 

09:23. Jiu-jitsu. Homidjon Mo'minov 1/16 finalda bahraynlik Maytam Sabbani 5:2 hisobida mag'lubiyatga uchratdi. 

09:09. Suzish bo'yicha estafeta bahslarida ishtirok etgan yigitlarimiz o'z guruhlarida birinchi o'rinni egallagan bo'lsalarda, finalga yo'l ololmadilar. 

09:00. Akademik eshkak eshish. Sakkiztalik bahslarda startga chiqqan sportchilarimiz marraga ikkinchi bo'lib etib kelishdi va KUMUSH medalni qo'lga kiritishdi.

08:49. Jiu-jitsu. -56 kg vazn toifasida bahslarda ishtirok etayotgan sportchilarimiz g'alaba bilan boshlashdi. Doston Ro'ziev mo'g'ulistoknli Byaanduren Gantumurni 4:0, Akmal Amirov esa iroqlik Muhammad Ismoilni 4:0 hisobida mag'lub etib, 1/8 finalga chiqdi.

08:31. Akademik eshkak eshish. To'rtlik bahslarida ishtirok etgan sportchilarimiz finalda to'rtinchi o'rinni egallashdi.

08:10. Suzuvchimiz Vladislav Mustafin saralash bahslarida uchinchi natijani qayd etdi va finalga yo'l oldi. 

07:53. Penchak Silat bahslarida ishtirok etayotgan Abdumalik Saidov eronlik raqibini mag'lubiyatga uchratdi va yarim finalga yo'l oldi. 

07:40. SHaxboz Xolmurzaev akademik eshkak eshishning yakkalik yo'nalishida chiqish qildi va marraga to'rtinchi bo'lib etib keldi. 

07:12. Birozdan so'ng akademik eshkak eshuvchilarimiz final bahslarida o'z chiqishlarini boshlaydilar. 

07:10. Assalomu alaykum. Hamyurtlarimizning bugungi ishtirokidan matnli translyaciyamizni boshlaymiz.

Bugun quyidagi sportchilar yurtimiz sharafini himoya qiladilar:

Jiu-jitsu:

-55kg: Doston Ro'ziev
-55kg: Akmal Amirov
-69kg: Homidjon Mo'minov
-69kg: Asadullo Bozorov


Golf:

Jamoaviy bahslar, erkaklar

Kanatbek Kurbanaliev
Sergey CHen
Roman Ten
Evgeniy Li


Og'ir atletika:

-85kg: Sunnatilla O'sarov


Sport gimnastikasi:

bryus, yakka, final

Anton Fokin
Rasuljon Abdurahimov


Penchak Silat:

Munisa Rabbimova

Abdumalik Saidov



Velosport:

SHosse: Murod Xolmurodov


Akademik eshkak eshish:

Yakkalik, final: SHahboz Xolmurzaev

To'rtlik, final: O'ktam Davronov, Farrux Astonov, Abdullo Muhammadiev, SHahboz Abdujabborov.

Sakkizlik, final: Alisher Yarov, Dostonjon Baxriev, Islam Mambetnazarov, Dostonjon Xursanov,  SHohjahon Najmiev, Otamurod Raximov, SHehroz Xakimov, Zafar Usmonov, Anatoliy Krasnov.


Tennis:

Yarim final: Denis Istomin - Praynesh (Hindiston)


Boks:

-57kg: Yodgoroy Mirzaeva - Xuang Xsioven (Xitoy Taypeyi)
-69kg: Bobousmon Baturov - Byanba Erdene (Mo'g'uliston)


Suzish:

50 metr, bras: Vladislav Mustafin (saralash va final)
estafeta 4x100: O'zbekiston