Osiyo o'yinlari: terma jamoalarimizning o'quv-mashg'ulot yig'ini davom etmoqda

O'zbekiston sport delegaciyasi mazkur nufuzli musobaqada munosib ishtirok etishni o'z oldiga maqsad qilib qo'ygan. Bu borada Milliy olimpiya qo'mitasi terma jamoalarimiz uchun barcha kerakli shart-sharoitlarni yaratib bergan.

Bugungi kunda bir necha sport turlari bo'yicha terma jamoalarimiz Osiyo o'yinlariga qaratilgan o'quv-mashg'ulot yig'inlarini olib bormoqdalar. Jumladan, eshkak eshish («Tuyabo'g'iz» suv ombori), dzyudo (CHirchiq), boks (Angren), badiiy gimnastika (Toshkent), karate (Bo'stonliq) bo'yicha terma jamoa azolari ayni paytda mashg'ulotlarni jadallik bilan davom ettirmoqdalar.

SHuningdek, o'smirlar Olimpiya o'yinlarida qatnashadigan kanoechi va kurashchilarimiz ham Argentinadagi musobaqaga allaqachon tayyorgarlikni boshlab yuborganlar.

Malumot uchun, bugungi kun holatiga ko'ra, O'zbekiston sport delegaciyasi Jakartadagi Osiyo o'yinlarida 264 kishilik tarkib bilan ishtirok etishi ko'zda tutilmoqda. Ammo musobaqa boshlanishiga yaqin tarkib yanada kengayishi ham ehtimoldan holi emas. Sportchilarimiz 28 ta sport turi bo'yicha o'tkaziladigan bellashuvlarda yurtimiz sharafini himoya qiladilar.